唔知係好彩抑或係唔好彩，我當年讀書嗰間中學係盛產靚女嘅。中四中五兩年，兩個連在附近啲學校都出埋名嘅校花都係同我一班，其中一個，仲係同我一齊係泳隊嘅成員添。
靚女嘅嘢，間中望吓真係可以令人神魂癲倒嘅。之但係，如果要日對夜對，俾你睇晒佢冇經修葺冇經掩飾嘅一面，咁又可能唔同講法喇。
其中一個校花，上堂嘅時間好鍾意恰眼瞓，成日都叉開對腳一 pat 野咁坐，每次打喊露又唔掩住個口，有次佢瞓到吊住條口水，見到真係想死。另一個就可能成日游水成日曬但又唔搽 lotion，搞到我成鬼日都係見住佢個甩皮樣！
中學畢咗業後幾年，有次我同幾個麻甩仔去行山，咁啱喺梅窩巴士站又撞番嗰個泳隊校花同學，佢當時同條仔一齊，見到我，佢由頭望到我落腳，再對住條仔，又由腳望番佢上頭，之後唔出聲，走開咗。班死仔就喺度陰陰笑！
當年今日：
睇科騷
慘咯！印象唔多好呀？咁會影響你嘅豆芽夢架喎！
回覆刪除Coffee n Tea：
回覆刪除唔驚，我對佢兩個冇發過夢^^
你靚仔過佢男友?
回覆刪除hkeric：
回覆刪除或者咁講：佢男友比我更樣衰^^
看來你keep得幾好噃!
回覆刪除哈哈哈~~
原來你都係泳隊架!!!!!
回覆刪除佢實係覺得走寶啦~~
喂，你兩朵校花其實好草噃，我預科嗰個就真係...... oh, so many fit !
回覆刪除新鮮人：
回覆刪除Keep住咁樣衰?哈哈?
鄧善之：
回覆刪除走寶？基本上個個男仔都應該識游水架啦，有乜咁希罕呢？
laulong：
回覆刪除玥分享多D你預科嗰朵小花嘅嘢嚟聽下啦，好唔好？^^
唔明點解靚女會拖住個唔掂嘅仔?
回覆刪除貪有安全感?
卡臣:
回覆刪除坦白講，呢樣野又幾常見個喎。
各有前因，或者人地有米呢？又或者把口好甜呢？又或者細心呢？.....總之唔恨得咁多架喇。
唉，咪嗰篇：一朶芙蕖開過尚盈盈咯！
回覆刪除http://lau-long.blogspot.com/2010/08/blog-post_12.html
佢係百分百美女，仲要舉止閑雅，眉目如畫，葫蘆身形，我暈喇~~~~~~~~~~~~~~~~~~~~~
嘩~ 忽然間成八點都好曬呀!
回覆刪除laulong：
回覆刪除Oh! 舉止閑雅，眉目如畫，葫蘆身形的美女，一定係天仙下凡咁喇，唔怪得令你念念不忘啦^^
the8：
回覆刪除哈哈，係呀，今晚月色唔錯架^^
晒鬼晒馬咩？追到就話啫，都追唔到，得個恨字！
回覆刪除laulong & the8:
回覆刪除係囉係囉，都冇貨，點有嘢曬呢？
校花都睇唔上眼, 肯定當時你一定另有目標 !
回覆刪除你講開校花, 我又回顧舊事, 想來想去, 我都唔知我校有沒有校花? HaHa
回覆刪除不過呢, 校園內種了些有花朵的植物的, 所以最少都有花. ^^
篤篤篤撐:
回覆刪除emmmmm~~ 要俾心機讀書嘛,hehe^^
DeepC：
回覆刪除會唔會查實妳就係嗰朵校花呢？^^
>> 你靚仔過佢男友?
回覆刪除>> 或者咁講：佢男友比我更樣衰^^
笑死我啦! 唔好講咁多, post你張相出黎, 等大家comment吓啦.
肥貓:
回覆刪除我講咁多自己嘢,諗諗吓都驚俾人認得我，妳仲叫我 post 相？
第一次看你的blog，你講野好搞笑xdd
回覆刪除匿名：
回覆刪除我就覺得係有血有肉多D喇。