2009年9月13日

睇科騷

先兩日,lunch time去咗間車仔麵舖食晏,間舖頭仔好鬼死迫人,我好辛苦先搵到張圓枱仔坐低。同一時間,又有一對男女剛剛搵咗同枱嘅位,坐正喺我隔離。

呢對男女,一坐低即刻互咀幾嘢,然後先至點嘢食,跟住又再濕咀;我見到心諗:「嘩!呢兩條友都好餓咁播!」到佢地兩碗麵嚟咗,食嘢嘅時間,兩條友仔就貼到實一實,我忽然發現女方隻手放喺枱底好似抺緊嘢咁,由於俾張枱面遮住,我睇唔清楚佢喺處抺緊啲乜嘢?我轉頭望吓男方個樣,食麵食到好冧咁!我又諗:「駛唔駛咁誇呀,你地完事未呀?」

同一日晚上夜夜哋,我一個人搭巴士返屋企,坐咗喺上層後排少少嘅位,對面前排三坐位咁啱又坐咗一對男女。開車冇耐,女嘅就開始擠迫個男嘅,迫吓迫吓最終迫咗個男瞓晒喺個位度,點知個女仲要成個人責實個男,係咁壓實佢,心口磿心口,面貼面。我同自己講:「唉!眼冤!今日究竟係乜嘢日子?唔通係月圓之夜,天下蒼生都受到影響?」我隨即望吓車外嘅月光,發覺唔係好圓喎!莫非係因為依家環境污染,影響晒啲生態平衡?

15 則留言:

  1. 有野0及0米0及吓咯...哈哈哈...

    回覆刪除
  2. 小瓶子:

    我我我.....又要睇,又要閙!

    回覆刪除
  3. 可能金融海嘯影響之下﹐冇錢去開房。

    回覆刪除
  4. grumpy:

    又可能喺街搞會high啲,哈哈!

    回覆刪除
  5. 俊男美女就好看, 賞心悅目 不然, 就真的覺得眼冤!

    回覆刪除
  6. 浪子m:

    你鍾意d喉擒女嘅咩?

    回覆刪除
  7. 鄧善之:

    通常只望個女炸,男嘅好少理:)

    回覆刪除
  8. 哈哈,性解放呀,女性大解放呀!

    我同你都 out out 地!

    回覆刪除
  9. laulong:

    我地Out喇Out喇! 真係要update了解吓多啲佢哋至得!

    回覆刪除
  10. 通常我會爆句『去爆房喇!』,如果身邊係表哥佢就會扮唔識我 ( ! ) ,如果係同事朋友就會狂笑咁囉!

    回覆刪除
  11. 吓!乜家吓啲女子真係咁喉擒0架?

    咁咁咁...我以後出街咪要小心啲?

    回覆刪除
  12. 依家啲人真係好鍾意當街當巷 "真人表演", 完全唔埋其他人的感受, 真係想報警!

    回覆刪除
  13. 肥貓 & 新鮮人:

    報警,一於告佢地損害市容!

    回覆刪除