CCTVB 啲是但劇，周不時都會有啲咁嘅無聊劇情，講個女角要求個男角暫時扮做佢嘅男朋友，幫佢過橋頂住一陣。誰不知，呢啲白癡嘢，真係發生過在我身上。
在我入行後嘅第一年，在 Annual Dinner 裡面忽然撞番某某 Auditee 公司中嘅一位會計部女同事，我當時從嗰間公司收咗 job 冇耐，所以當晚仲同佢哋有啲計傾。嗰位女仔好單刀直入咁同我講，可唔可以走嘅時間扮住佢男朋友，送佢番屋企。原來，佢部門有個核突佬（好記得叫做 Andy Lau！）一直好瘋狂咁追緊佢，當晚收到風條友仔會當眾向佢送花示愛添！因為個核突佬同佢係同一部門，如果搵自己人扮好易會穿煲，搵我的話，Andy Lau 反而會信咁囉！我睇佢係靚女份上，就免為其難應承咗佢喇。
當晚走嘅時間靚女好大力咁捉實我隻手臂，經過 Andy Lau 前面時仲貼埋塊面落我手瓜度添，坦白講，我冧到想死！爽個陳X希！連阿媽都唔認得！！
你可能會問，之後我同靚女有冇下文？答案係冇乜囉。同事、Client、Auditee 呢啲高危同埋手尾長嘅嘢，咪搞我！仲有，我當年信耶穌冇耐，好聽教會教架，揀女友，要留番俾基督徒姊妹先得嘛！
當年今日：
睇科騷 II
D靚女就係貪你唔會食左佢，先黎搵你啊~
回覆刪除唉~
詩白爾:
回覆刪除係呀，可能我個樣好林善囉^^
同病相憐啊，已經有十個女仔話我個樣好誠實。
回覆刪除=[
詩白爾:
回覆刪除嘩！你身邊常常俾十條女圍實，欽敬！欽敬！
咁又唔錯喎！但送佢返屋企時，佢有冇甩番開呢？
回覆刪除咁你而家係咪搵教人拍拖／結婚呢？
俾靚女捉實隻手臂已經爽過陳X希, 你都好易滿足喎!
回覆刪除做乜呢期勁講女?
回覆刪除l.minor：
回覆刪除歡迎光臨^^
咁就過咗骨後，梗係唔再捉到我實啦，我就想！
我點敢教人拍拖呀？不如你分享吓仲好啦^^
肥貓:
回覆刪除唔通要真係好似陳X希咁咩?
梁巔巔:
回覆刪除原來呢個topic幾好寫架，你都試吓啦^^
冇"乜"
回覆刪除well..有餘韻
我都想....就算係，都係圍住我俾好人卡囉~
回覆刪除=[
浪子m:
回覆刪除有餘韻??
詩白爾:
回覆刪除你有人圍總好過冇人蘇下啦，遲早有機會啦^^
Sorry,其實我係寫漏咗隻字，係想寫"咁你而家係咪會搵教會人拍拖／結婚呢？"
回覆刪除>> 唔通要真係好似陳X希咁咩?
回覆刪除你就想啦!! e嫂係邊呀?
l.minor:
回覆刪除都係架! 我都講過,我好聽話架嘛^^
肥貓:
回覆刪除唔駛激動唔駛激動！學陳易希數下星星算喇，好唔好？
果陳未識e嫂，所以唔知佢喺邊度:(
除了羨慕兩個字
回覆刪除我諗唔到第三個字
卡臣:
回覆刪除呢個當係當晚Annual Dinner抽到大獎咁囉，好運啫^^
>>已經有十個女仔話我個樣好誠實
回覆刪除大開眼界，原來誠實的真正意思有意思得多！
唉！那些美麗女生真係幾生修來的福氣！人人爭住做觀音兵，難為我們這些醜人，差啲唔敢來留言添！:P
Coffee n Tea：
回覆刪除妳手執單反半掩面張相都殺死人啦，唔好講笑！
愛情係盲目嘅,
回覆刪除美女當前,
仲可以咁清醒分析形勢,
好明顯個女人唔夠班令你入迷喎!
新鮮兄:
回覆刪除個女仔都幾索架，羞DD入迷架喇，當年，好彩仲頂得住!!
Coffee n Tea：
回覆刪除你以為果十個女仔都係美女？佢地只係普通o既女仔而已。靚o既都俾人Mark左了
我都明25歲前o既女性係鍾意靚仔.....
詩白爾:
回覆刪除俾普通嘅女仔圍都唔算咩啫，你講開，又勾番起我初初番教會時嘅恐怖經歷喇：
http://ebenezer-ebenezer.blogspot.com/2009/04/blog-post.html
Eben：
回覆刪除你泳隊嘅，有強勁嘅臂彎，啲女生梗係挨埋黎喇，我少年時淨係識用火鉗捉曱甴，有鬼肌肉咩 :(
詩白爾︰
回覆刪除>>25歲前o既女性係鍾意靚仔？
咩統計來架？值討論下！
不過我就認為由18到70的男人都鍾意靚女！:p
haha, Coffee, 係 10 到 100 呀，甚至 10 到未 hip 埋眼前 ！
回覆刪除laulong:
回覆刪除你今日post嗰張相就睇到你當年係幾咁型仔啦，何必妄自菲薄呢？！
Coffee n Tea:
回覆刪除照我對我個仔嘅觀察，佢由幼稚園開始已經好鍾意同d樣好少少嘅女仔玩架喇。
咖啡奶茶:
回覆刪除呢個係我大學同學o既結論。(佢係靚仔，成武哥type，佢俾佢女cut多過我收好人卡。)
另，男仔3歲都開始睇靚女啦，中四成班男同學已經用ICQ傳「老翻楊千嬅」了。
Ebenzener:
咁快揀未來新抱？
「我睇佢係靚女份上，就免為其難應承咗佢喇。」 <-- 靚女就會有人"免為其難"囉~
回覆刪除詩白爾:
回覆刪除咪笑我啦^^
小星:
回覆刪除助人為快樂之本嘛，而且，真係幾快樂架^^
校長、詩白爾、Eben︰
回覆刪除就係咯！我一講完18-70歲，已即刻後悔了，直頭應該係3歲至合埋眼前都一樣！
不過，你哋講靚女講得好開心噃，仲話要貼多三幾篇添，因住趕客呀！(講我自己)
體量下我哋呢啲唔靚嘅好喎！嗱，應該貼篇唔靚嘅點攞了男人的心咁吖嘛！唉，冇你哋咁好氣！
Coffee n Tea：
回覆刪除妳實在太誤會我地喇，我又點會係D以貌取人咁膚濺嘅人呢？
妳睇清楚我篇“校花“，妳睇唔出我係批判緊果D空有外在美，而冇內在美嘅女子，係冇咩好結局，唔得人鐘意嘅咩？
妳又睇下我篇“暫時情人“，妳睇唔到我唔會一見靚女就追咩？
所以，最得男人心嘅，梗係妳地D賢德嘅女子啦^^
弊！認真咗添！
回覆刪除查實，靚女我都鍾意！我首先就係個會以面貌取人的膚淺女子！:p
Btw，賢德從來離我很遠！
Coffee n Tea：
回覆刪除唔好咁謙啦^^
咖啡奶茶:
回覆刪除美女過左四十歲又咪係走樣....小詩唔似D狗公咁鍾意你爭我奪四圍獵食，就算追到靚女，靚果part都係會過期o既bonus黎o者，最緊要都係夾得埋。
夾唔到，就算大家有心都無用的。唉~
Ebenezer,
回覆刪除你都算艷福不少, 精彩!
然而, 這裡的留言更精彩. Haha
P.S. 人天生愛美, 何止三歲小孩愛美女, 有知覺的嬰兒也愛美女, 但不限外在美, 還有內在美, 他們是feel到的. :)
睇到我呢啲全定向醜老鴨百感交雜添l
回覆刪除詩白爾:
回覆刪除講得啱呀小詩，靚女如浮雲.....
DeepC：
回覆刪除我都估唔到呢個話題唔只好寫，原來仲好好傾添！^^
the8:
回覆刪除百感交雜？笑死妳咋掛??!
e兄,
回覆刪除呢個topic真係好勁, 有成40+回應, 你倘情人果然好attractive.
肥貓:
回覆刪除係呀，妳見我同校長寫得咁鬼過癮，不如妳都整番篇吖?
估唔到靚女一出，原來真係會咁令人血脈沸騰嘅，靚女呢家嘢，都係少惹為妙:(
青春歲月的美好回憶.
回覆刪除我一直都不注意自己外表, 直到入研究院的一天, 有個師姐(外籍的)一見到我就捉實我隻手臂和我參觀實驗室, 嚇了我一跳.
Quality Alchemist:
回覆刪除之後你地點？
覺唔覺你轉咗哩個TEMPALTE後,
回覆刪除個BLOG LOADING好慢呀?
有時要成十幾秒都未LOAD完喎!
新鮮人:
回覆刪除係咩，我又唔係好覺喎！
建議接受，等我有時間再揀個新template，又轉轉個look喇:)
之後沒有什麼了. 但同了另一師妹一起.
回覆刪除不過最終的不是在大學所認識的.
但很奇怪的是, 現在的太太原來又是我的師妹, 不過之前沒有見過的.
第五十三個留言！我都來趁趁熱鬧，也是關於靚女 auditee 嘅。
回覆刪除我當入行初初是做內審的，公司裡很多靚女女同事，老闆有命切忌讓別人講閒話。因此我在言語上，傷害了一位好女子一位女同事，至今仍然覺得無好意思！
事源我新入職時，公司一向有做一個為期兩週的新人 orientation program，讓新來的同事認識公司每一個部門的基本運作。我和那靚女同事同期，大家都是新丁，兩週來的朝九晚五相處比較熟絡，之後在公司內和街上遇上靚女，都有傾有講，問候幾句近況，不過僅止於如此，沒有單獨約會過。
但一次去到她工作部門做內審，雙方老闆介紹認識雙方同事認識。但這位女同事卻說認識我在先，而且頗為熟絡，他的老闆當然說好，無問題喇！但我的老闆卻面都黑埋（一瞬間啫），我唯有講了些說話澄清。但當時後生細仔，說話唔夠圓滑，言語上傷害了別人...至今遺堪！
另外，同意新鮮兄所說，以兄你是否在網址上放了些，透明的 Tracking program 之類的JAVA 軟件，每次登入你網誌，我的 laptop 就說要增加 virtual memory 的啊！！！
第五十四個留言！
回覆刪除"靚女好大力咁捉實我隻手臂，經過 Andy Lau 前面時仲貼埋塊面落我手瓜度添。"
以兄一定是高大威猛型男噃！
靚女塊面祇到達兄台手臂處，還是她故意彎腰貼落手瓜處，小鳥依人呢？
Quality Alchemist:
回覆刪除睇嚟，你同你班小"師妹"都幾有緣喎^^
the inner space:
回覆刪除你咪笑我啦! 女同事經過Andy Lau前面時，想縮埋塊面避開佢，所以咪借我擋吓路囉，不過又話時話，佢身形都算係嬌小玲瓏嗰隻。
做Auditor唔可以同Auditee有乜瓜葛，因為會影響Independence，你當時老細都執到好正，一讚！你都有咁多有趣經歷，不妨以後分享多D啦^^
至於個template問題，我會有時間的話，儘快去搞搞佢，多謝提醒:)
以兄：有趣經歷不多，上次在你 舊文，都有講過另一個慘痛經歷，個個都是靚女 Auditees，仲有呢班個個都是金髮碧眼添！
回覆刪除唉！慘情架！
the inner space:
回覆刪除唉，咪係囉，我地做Auditor，周不時遇到呢D嘢，睇就似乎好爽，但係有幾多人明白我地當中嘅辛酸呢?!
慘慘!!
當我2011年先睇到你呢篇文，陳x希我反而諗起近來的陳x希，但睇番篇文2010年寫，噢，我諗錯左。但點都記唔起2010年的陳x希係邊個。
回覆刪除Him Cheng:
回覆刪除我係想講，我唔會似陳冠希呢種男人，而係似數星星果個陳易希咁乖仔^^