 |
| 網上圖片 |
其實，在我未離校時已經收到傳聞話呢位班主任生 cancer 架喇，真係估都估唔到，佢咁長情咁有生命力，挨咗咁多年，結果等到最後，竟然同間學校同生共死！
講番呢個「肥佬周」，佢好鍾意同學生玩架，好似有一次佢兜口兜面飛啲習作簿俾同學，叫大家去地下執番，佢不知幾過癮；又有一次，佢玩一位男同學個名，然後問點解佢老豆幫佢改個咁嘅名？結果唔小心搞喊咗個同學仔。
另一位女老師姓湯嘅，叫做「大煲湯」，唔明點解，間唔中發發吓夢，都會見返佢。
當年，大部份嘅中學老師唔知搞乜，不約而同地都叫我哋要記住一個好重要嘅人生道理：就係將來要努力搵啲有人生意義嘅嘢嚟做，真係諗到冇得好諗先去教書！
唉，我實在太天真太傻喇，竟然信咗佢地，入行時真係冇諗過去教書，結果走咗去行會計條苦路。
一下子數少少傷感嘅中學往事，就已經百般滋味，好多已經唔記得晒嘅中學記憶，忽然間又湧返晒上心頭。因此，打算會再分幾次寫寫我的 Band 5 中學回憶，以作存照。
當年今日：
Thanksgiving
龍門酒樓
唔好罵band5老師，band1啲都有飛粉刷飛粉筆。不過改咗用whiteboard後就冇勒，band1好band5好都是靠自己！
回覆刪除同意楼上,所以不知道为什么那些家长一窝风去报名校.
回覆刪除唔係講笑，band 1 學校儘多 band 5 老師，band 5 學校儘多 band 1 老師！
回覆刪除寫得好!
回覆刪除分一百集啦，講下你5男約5女果D故事
回覆刪除支持支持!
回覆刪除最好講多D愛情小故事啦^_^
我讀過兩間中學,第二間還好,但畢竟我唔似老哥係精英學生,在第一間時簡直幾乎只有怨恨而沒有好過,不諱言我係被趕出來的。
回覆刪除the inner space:
回覆刪除其實我都知佢哋㖔算太差，我唔係話D老師質素band 5，而係指佢地係band 5 學校嘅老師而已。
Desertfox:
回覆刪除我覺得有名學校可以分為貴族學校和其他名校，前者可能基於有身份象徵所以吸引，後者可能真有口碑的好學校。
laulong:
回覆刪除100% agree!
新鮮人：
回覆刪除客氣！客氣！
naruto:
回覆刪除5男約5女？即係去果D集體相睇晩宴？我洗唔洗呀？
Bittermelom:
回覆刪除哈哈，由初戀講起好唔好？你都寫下啦，你都有讀過中學嘛^^
若老：
回覆刪除我當年個個同學都咁屎，我點會係精英學生？
你之後轉到間好D嘅學校，都算有運行啦。
所以band5學校都能夠製造出精英如你架! :)
回覆刪除以前分band1，2，3，4，5！依家減到只有band 1，2，3 咋！實在是將 2+3=2 4+5=3，教署玩數字遊戲！
回覆刪除>>真係諗到冇得好諗先去教書
回覆刪除咁你會唔會建議你仔仔去教書？
火女：
回覆刪除哈哈，我呢D都叫精英，咁我全校都係精英架喇。
Space:
回覆刪除同我講個老師一樣，教育局都係好鐘意玩架^^
Coffee:
回覆刪除我只會唔建議佢行會計條路啫。
至於老師，人工福利都好過好多行架，例如有停車場福利啦，好多做到director都未有架。
維基百科有記載已香港結束停辦的中學！
回覆刪除Space 兄：
回覆刪除拜託！千萬唔好幫我人肉大起底。
唔使等我搜喇，大把人在搜緊嚕！
回覆刪除sPace
sPace:
回覆刪除巧驚驚喎！
跟住出果幾篇，都係自我審查下先好出街喇。
哈哈，「大煲湯」！絕對係繼「大包米」之後嘅另一創意佳作！
回覆刪除Armadillo:
回覆刪除仲有位 Miss Lo，個花名係一件家庭電器用品添。
夏虫不可語冬, 咪喺度扮嘢啦, 係人都知道你係傳統名校出身架啦.
回覆刪除等看你的校園生活史! ^^
回覆刪除舞了：
回覆刪除邊個講我係名校仔架？
BTW,我果間野，某意義上，都可以話係名校架！
所以話, 英雄莫問出處~
回覆刪除以前有個 Blog 友, 又係 Band 5 學校出產, 但勁到癲!
仲有位 Miss Lo，個花名係一件家庭電器用品添《《《 哈哈哈哈！喺姓 廬 or 勞 都有咁嘅花名喇！Microwave oven 微波爐，唔通叫 大風爐 咩？
回覆刪除DeepC:
回覆刪除仲諗緊寫乜好：（
巔巔：
回覆刪除勁到巔嘅Blog 友，我都知有一個，佢叫做.....
梁巔巔！！
Space 兄：
回覆刪除你咁叻嘅？！
哈哈哈哈！我校個位 Miss 叫 Mabel Lo 嘛！
回覆刪除the inner space:
回覆刪除OIC！咁佢應該只係個名特別啫。
名副其實架！
回覆刪除公司有位 Miss Gigi Law！and Miss Sarah Chu!!
the inner space:
回覆刪除Sarah Chu 真係 get 唔到係乜。
沙嬲豬 是老一輩常用的俚語！指愛撒嬌的女子！
回覆刪除the inner space:
回覆刪除原來係老一軰嘅俚語，唔怪之得我唔明啦！
哈哈，我都估到係微波爐架喇，不過遲咗一步添！
回覆刪除Armadillo:
回覆刪除哈哈，呢d咁淺嘅謎語，又點難到你呢？
我間中學“走時”話說已經變成 band 1，但一樣“殊途同歸”早就比人殺咗！
回覆刪除