獨居回憶錄 (Part 1)

網上圖片

之前，在一篇拙文中曾略略地提過我從前曾經做過獨居青年。坦白講，未搬出去自己住之前，仲以為一條佬住一定係好自由好過癮啦，點知，原來獨居係會有好多麻煩嘢，同埋仲會好危險嘅添。

當時我班豬仔狗仔朋友，知道我決定搬出嚟住，竟然仲開心過我。曾經有一晚有個衰仔夜媽媽打嚟，話佢同阿媽鬧咗交，決定離家出走，要我收留佢喎。佢精我都唔笨，我梗係第一時間勸佢去修補番同屋企人嘅關係要緊啦，我同佢講，如果佢要上嚟，我會揾佢老母傾計，哈哈，佢真係俾我嚇窒。

又試過另一班PK仔納幾支啤酒上嚟，吹水吹到我成地都係薯片碎花生殼，不過好彩我家徙四壁，冇細妹冇電視冇卡啦OK冇機打冇賭具，麻甩仔之間邊有咁多心事傾吖？所以好快我又可以掃走呢理瘟神。

最離譜係有條友竟然問我咩時間唔喺屋企多，想我借間屋俾佢同同學溫習功課喎。「X^!#&~*?/{$#YZ你估我開豹房咩？」我即刻媽叉到佢九彩！

我當時剛剛信咗耶穌冇耐，點知阿穌哥就即刻打救我，佢令我甩咗班損友之餘，仲俾我識到個靚女，大家做埋好朋友添.....



....待績 (下次先講啲危險嘢)



當年今日：
爆竊