獨居回憶錄 (Part 2)

上回提到，我搬咗出嚟一個人住之後，好快就返咗教會，一班損友見我信咗耶穌，個個都怕鬼咗我，驚我會踢佢地入會咁，紛紛都疏遠晒我。

我冇乜朋友，日日踎喺屋企獨守空帷，心靈難免空虛寂寞。一個人，靜雞雞，搞乜好呢？當然係：靈修默想讀經唱詩祈禱敬拜讚美歌頌感謝神！

生活靜靜似是湖水。有一日，一位曾經被我幫助過，讓我替佢解過圍嘅女子，突然間在電話中咁樣同我講：「我今晚一個人咋，陣間有事又要經過開你嗰頭喎，之後都唔知去邊好，我好似未上過你屋企個播，不如，今晚順便上嚟探吓你啦，好唔好啫？^^」

成長，最殘酷的部份就係：女孩子永遠比男孩子說話得體、成熟。女孩嘅得體、大方，沒有一個男孩招架得住。

我嘅心，泛起了漣漪。

我揸住個電話，許許多多埋藏於心底嘅少年夢，一下子都翻湧上心頭，彷彿好多複雜困難嘅青澀問題，今晚都將可得到一個解答。

誰不知，唔知乜嘢無啦啦上咗身，我竟然會咁同佢講：「咁~~~上嚟！？咁夜怕唔怕？！~~都好！~~好唔方便~~唔係好方便過喎！」

收咗線之後，回一回魂，我望住個天，做咗個咁嘅祈禱：

「主耶穌，我知我以前嘅罪孽，都被袮赦免晒架喇，我曾經話過，決意以後洗心革面，重新做人.....」

難道，這個世界因為有個小小嘅禱告而有一點點的改變？

「或許，在另一個平行時空裡，她跟我當晚已經在一起。」


.....待續




當年今日：
晞晞的手傷了