 |
| 網上圖片 |
好耐以前，Edmond 係我上級，佢負責帶住我上大陸出 job。
我地做嘢嘅地方在一個偏僻小鎮入面，果度冇咩商店，但唔知點解，卻有好多洗頭鋪，唔通當地居民特別頭痕？我地周不時都可以見到啲洗頭妹妹瞓晒喺鋪前休息，姿態撩人。Edmond 教導我：「千萬唔好幫襯呢啲鋪頭，因為妹妹仔會引你上閣樓，之後溶咗你都未天光。」師兄真係有經驗，我心諗。
有一晚，大約十二點幾，我一個人在酒店房入面瞓著咗覺，突然電話響起把我吵醒。對方話自己係酒店員工，剛剛想送洗好咗嘅衣服俾
Edmond，但點知發現佢房間冇人，所以問可唔可以交低俾我。我梗係唔肯啦，心諗：「丟咗佢算啦。」
我以防有詐，即刻打去 Edmond 房間求個明白，點知，真係冇人聽。
我又諗，個酒店員工會唔會只係借送衫之名，走嚟順便推介我試吓享用佢 offer 嘅服務呢？我再望吓本大薄，死，原來個場仲有外賣添架！
我越想越驚，隨即丟咗本大薄，掛起電話，鎖實啲度門，立刻攞本聖經出嚟，唱詩、讀經、祈禱、懺悔！
哈利路亚！
回覆刪除嘿嘿：
刪除哈利路亞感謝上帝？
最後Edmond去咗邊呢?
回覆刪除l.minor:
刪除佢真係偷偷走咗去做按摩。
令我想起了 American Pie,
回覆刪除笑死~~
新鮮人：
刪除巧京京架＝＿＝！
「美輪美奐美女如雲」
回覆刪除「腳仔按摩」（重點！）
「一定係正正經經啦！」
爆笑
Bungy-Zoe：
回覆刪除其實official term 係「雀仔按摩」，不過我唔想寫得太白啫。
應該隱藏了部份事實
回覆刪除卡臣:
刪除對!我冇寫到我點樣chok到Edmond認自己真係去咗玩^^
笑咗!
回覆刪除CC:
刪除妳設身處地想吓，其實係好得人驚架。
電話來時還以為Edmund揾你買兔仔添！
回覆刪除夜媽媽買兔仔？食野味？
刪除最尾那八個字係真定假呀? 哈!
回覆刪除DeepC:
刪除果晚我..我..我唔通唱張國榮果首「無心睡眠」？無...無理由嘅=_=!
宜便，这么爆，算不算出卖男人？ 嘎嘎嘎嘎嘎~
回覆刪除这么说，您就是 男奸！（derived from 汉奸！）
刪除哈哈哈~~~
嘿嘿：
刪除似乎係那個酒店服務員出賣了 Edmond, 出賣了男人，而我，卻擔心她向我出賣女人。
学到！厉害回答，谢谢。
刪除我已经学会怎么替自己辩护了，我不是“男奸”！
嘎嘎嘎嘎嘎~~~
嘿嘿：
刪除=_=!
去內地真喺乜都有，少啲定力都唔得。
回覆刪除對，內地乜都有，因此我仲末寫完，且看往後新帖吧^^
刪除