地獄走一回

實不相瞞，我有個好唔光采嘅過去，有一個好唔快樂嘅少年陰影，我曾經有過一次一直羞於啟齒嘅遭遇。因為，我，生過痔瘡。

當年我年少無知，竟然唔識死，戇居居咁走咗去政府醫院睇街症。入到去診所，對住個初哥醫生仔，都仲未識乜嘢叫做送羊入虎口。

「通常有痔瘡啲人都有機會生大腸癌個播，所以我要幫你照吓大腸窺鏡！」

到咗今日，我都唔知係唔係個醫生仔查實只想搵我俾佢做吓實驗啫？

我瞓上張床，打則個身，將兩個膝頭縮到上心口，除底條褲，含住泡眼淚等俾人搞，嗚嗚嗚.....

護士小姐走咗過嚟摸吓我準備檢查嘅前後左右附近，我在佢面前立即表現堅強，唔衰俾姐姐睇。

個醫生仔冇幫我做麻醉，求求其其搽啲花士令，就用條好長嘅窺鏡幫我通櫃，我痛到好想好想攬實個護士，但捉佢唔到。

完事後，我躺在床上痛足五分鐘先再有力爬到起身，嗚嗚...

網上圖片

註：因看過了 The Armadillo Den 的同名博文，被勾起了傷心往事，故有此文。