呢排唔知揩過啲乜鬼衰嘢，昨日一早起身發覺出咗好多風疹，好鬼死痕。我即刻走去睇醫生(3866)，個醫生二話不說就叫個姑娘幫我打咗支針，然後當然最緊要俾錢先至有葯攞啦。我本來打算睇完醫生就番工架喇，點知發覺自己開始high high 哋。我打番公司睇吓咩環境，誰知啲同事話公司剛啱發現咗兩件H1N1，依家風頭火勢，睇過醫生死返屋企唞吓當係幫忙喎。
我返到屋企，食埋劑葯仲 high！個人飄吓飄吓，個頭fing 吓 fing 吓咁，真係幾鬼死爽！我開始明白點解啲青少年朋友咁喜歡索K揩天喇，原來喺個迷幻世界入面，雖然個頭好fing，但個腦係唔識轉嘅，一下子個人好似好抽離咁，好loosely！忽然間我想起一個從前喺正生出嚟嘅朋友，我曾經問佢當初點解要濫葯，佢反問番我：究竟毒品可怕，抑或空虛可怕？我而家識答佢喇：梗係毒品可怕啦！
昨日胡胡渾渾咁high 咗一日，今早望住包葯，我已經唔敢再掂佢喇。我同自己講，雖然同佢一齊嘅呢段感覺真係好美妙，但係，我畢竟係正經人家嚟家嘛；因此，不可一，不可再！
不可一，不可再. 可以三!!
回覆刪除"究竟毒品可怕，抑或空虛可怕？", 呢句說話好熟口面喎,呀!我記得啦,曾經有套港產片叫"門徒",由吳彥袓做主角,劉德華做配角,吳彥袓係套片入面講過呢番說話。
回覆刪除好怕食西藥,尤其要上班真係好high架!
回覆刪除風疹我通常食百利通(成藥)好快好番,但個人都會wor wor 地.
敏感止痕藥通常都係食完好 high....
回覆刪除飲多啲水休息嗄喇!
>>"究竟毒品可怕，抑或空虛可怕？"
空虛唔可怕呀...間唔時空虛嗄都幾好咖! 不過依家啲後生仔空虛既定義太大喇!
浪人:
回覆刪除Em....原來你係損友，哈哈。
Bittermelon：
係呀，呢句嘢出自「門徒」架。呢套片對毒品問題好有認識，好正！
果句嘢真係一個喺正生畢業出嚟嘅女仔親自同我講嘅，好能代表佢地嘅心聲。
聶秀康：
我今日已經冇食啲葯，不過仲high到今朝。
the8:
謝謝關心！
我都想明白吓佢地嘅空虛同我嘅空虛有咩唔同，我都想做番後生仔。
睇中醫可能好小小?
回覆刪除沖個熱水涼,多多休息,飲多D水...
Denzel:
回覆刪除係呀，我都諗住食中葯。BTW, 謝謝關心：）
中藥...good.
回覆刪除中藥, 好得徹底, 不過慢.
回覆刪除病, 也要有閒, 才可以調理得好一點.
聶秀康:
回覆刪除我會再try龜苓膏tim!
richma:
其實我唔算得乜嘢大病，不過呢個可能係個signal，我要調理一下身子。