昨日，我地一家人決定去參加七一大遊行，我地嘅訴求唔係去港島，而係要去東坪洲。
在我地去到之前，估唔到呢個荒島已經有好多人喺度遊行緊，果d人一批一批咁行，通通都有領袖揸住支旗仔帶領，不過就冇橫額冇口號冇傳媒，秩序好好，淨係見佢地塊面表現到好痛苦好淒涼咁啫。
東坪洲真係好鬼死曬，d士多又唔知點解差唔多罷晒市，晞晞熱到喊，我老婆曬到發瘟。我地見勢色唔對，即閃！
結果，一家人好早就係咁夷食埋晚飯然後火速飛返屋企，第一時間即刻開大個冷氣，攤晒喺度。之後，一家大細齊心嘗試去向人類體能嘅極限挑戰，就係七點半就熄燈全家人走去瞓覺喇，估唔到，我地所有人都能夠做得到！！
人類嘅潛能原來真係可以好大、好大，只要肯去發揮，冇嘢係做唔到，真係難以想像！
沒有留言:
發佈留言