打風

吼正打風，有乜好搞？不如聽吓歌仔喇！

(男唱) 昨晚吼正打風，搵舞女何艷容， 玩通宵確疏肝，係舞女竇亂貢
第朝返去歸， 一見老婆面容 ，激嬲好似關公，驚到我震夾亂碰
(女唱) 衰鬼乜你擒晚借意暴動，呢一趟撞板，難捱肉痛

(男唱) 想過海無船過，嘆氣無用，皆因太大風，無人又凍

(男白) 都唔知幾慘呀，大人
(女唱) 藉口呃我打風，揾舞女去碰拆碰
(男白) 唔係呀 (唱) 一班伙記收工，租艇瞓免受凍之嗎
(女白) 哦乜昨晚無船過海咩
(男白) 無呀，十號風波嘛
(女白) 三號波之嘛，幾時扯過十號波呀
(男白) 九龍就三號，香港就十號波架
(女白) 哦唔同波0既，嗱你話去遊船河，咁打風有船遊河既咩 0下
(男白) 乜無呀，個D艇係避風塘搵鐵纜碼實架
(女白) 分明係車大砲，我話你乘機暴動就真
(男白) 唔係 (女白) 重話唔係添下
(男唱) 捉賊必需有憑證，我無暴動
(女唱) 胭脂係衫領未甩，可知你沙釐弄沖
(男唱) 偷吃咀我唔抹，我確無用
(女唱) 一巴打你壽公，遊刑示眾
(男唱) 譁！死囉，整穿一個姑窿，鮮血染成地紅
(女唱) 搵枝沙棍再扑，不准你再叫痛