2009年8月7日

酒肉朋友

上星期六,忽然接到朋友電話,原來佢當時喺醫院嘅手術室門口,正等緊入去照MRI,佢話佢有啲擔心,唔知自已會有乜嘢事,又話佢好虧欠只係新婚咗幾個月嘅老婆…我心諗,條友仔有事嘅時候先會搵吓我,佢總算都當我係朋友。

前晚,應該係我朋友檢查完嘅放榜日子,君叫我主動打電話去問吓佢嘅結果係點,我冇咁樣做,因為如果佢嘅結果係好嘅,佢自自然然會揾我講,但假如佢真係患咗絕症,我即時搵佢咪只會攪到我同佢兩個佬玩相對無言,一個唔小心,萬一攪喊埋佢咪痾拔甩?

昨日一早,我喺MSN度見到我朋友,佢話醫生同佢講只係佢太大壓力,以致身體作出啲唔正常反應啫,佢聽咗之後一身鬆晒,啲病徵又好似冇晒咁話。我即刻同佢講,要賀賀佢,仲要大杯酒、大塊肉!

終於,昨晚去咗間德國餐廳,食大大隻豬手,大大碌香腸,一人搓著成lite啤酒係咁對,正!食飽咗些小,另一個friend教完夜校即刻飛的出嚟加入,見佢咁有義氣,大家再整多一lite再隊過,爽!

5 則留言:

  1. 隻豬手...個皮好似好脆咁喎!

    回覆刪除
  2. the8:

    Yes!昨晚咪食脆皮豬手囉:)

    回覆刪除
  3. 人生得意須尋歡!

    我喜歡德國咸豬手,水煮那種,你這間地址是?

    回覆刪除
  4. 尖沙咀 ashley road?

    mri一次要成4k, 都ok貴, 但呢d錢係要洗的

    回覆刪除
  5. 聶秀康:

    是 King Ludwig,尖東站J出口的那間。



    浪人:

    你都幾知行情播:)

    回覆刪除