2009年8月28日

校園民歌

每當電視響起義勇軍進行曲音樂嘅時候,讀一年級嘅晞晞總喜歡即刻拉住我,然後要我同佢好恭恭敬敬咁企喺電視機面前,一齊唱以下呢隻歌:

「起來!!!我帶你環遊世界~
我騎住哥斯拉,啊媽話我心理變態!
中國牛肉有毒,食得唔好晒!
起來!起來!起來!
全個世界輸哂~老婆仔女都走埋~
還債!
還債!
還我債~~~」

以上呢隻歌,當然係晞晞現時學校流行緊嘅校園民歌喇!我唔係佢呢一代,所以我以前未唱過。

回憶起自己讀緊書嘅時候,都有屬於我地嗰個年代嘅校園民歌o架,之不過通通都係三級改篇咁啫。點都好喇,當年一班同學仔齊齊唱,然後一齊大大聲笑,真係好開心!只可惜此情不再矣!

12 則留言:

  1. Bittermelon:

    師兄,係呀,好鬼過癮架^^

    回覆刪除
  2. 我仲緊要, 聽到首歌會有想喊既衝動, 係感到到喊個隻, 不過首歌真係好正!

    回覆刪除
  3. 肥貓:

    吓!呢首咁過癮嘅細路仔歌居然可以感動到妳咸?咁神奇?

    回覆刪除
  4. 童真呀,真有趣!

    回首,我的那年代已湮沒久遠!

    回覆刪除
  5. laulong:

    你做校長,應該聽埋聽埋唔少學生啲得意歌仔喇:)

    回覆刪除
  6. 呵呵,想起前幾年我仲係學校教時,睇完色戒張戲飛尾比中一仔發現.唔使兩日一首新的校園民歌唱到校長都知埋.
    d學生唔論什麼年代都好豐創意.創意這事只要比空間d細路,更本唔使教.

    回覆刪除
  7. 鏡田:

    哈哈,介唔介意分享吓你啲學生作俾無𠴱首歌呢?

    回覆刪除
  8. 佢地係用一首陳奕迅的歌來改的.內容我就唔記得囉,聽完笑完就算啦.只是色戒sir個花名比佢地叫足成個學期.

    回覆刪除
  9. 鏡田:

    哈哈,提起幫老師改花名,我記得以前啲同學差唔多幫所有老師都有起花名。

    回覆刪除
  10. 那一年的?
    何时何地?呵呵~

    回覆刪除
  11. 嘿嘿:

    那一年的?何时何地?

    中學時候幫老師起花名囉,地點當然喺學校啦:)

    回覆刪除