2009年8月30日

誘惑

記得以前有位client,據說因為去滾,被人唱到街知巷聞。

這個 client 是一名意大利人,是一位很虔誠的天主教徒,他在老鄉有妻有兒,有個很幸福的家庭。後來,他的公司調派了他去管理位於中山的工廠。「想不到他來了中國不到幾個月便沉淪了,或者是由於他在這裡變了土皇帝,沒有人可管得到他的私生活,因此便出事吧!」有人在他背後這樣地向我說。

究竟男人是不是一跑大陸便會去滾的呢?我覺得這個問題跟「人之初,究竟是性本善還是性本惡?」一樣弔詭,真不敢說!

很久以前,我認識的一位朋友曾跟他的上司去公幹,他上司為了不讓他回港後爆出自己召了小姐上房的事,竟也替他安排了小姐在他的酒店房間內,我朋友說他沒有搞過甚麼,坦白說,我信!

我信他的理由是:我朋友是被上司「屈」要小姐的,因此,他根本預先已經有了好強好強的心理準備要去拒絕;從來,男人是向他使硬不得的!

從前牧師曾經教過,面對女色跟喝酒一樣,如果有人老是對自己說:「我是不會喝醉的。」那麼他被人灌醉的機會,肯定會比別人高。因此,我總愛提醒自己:「我定力薄弱,我好易醉。」還有,我一直深信,女色對 Auditor 來說,多數是一個圈套,因此又給自己加多了一份戒心。

我絕對相信有人可以在美色引誘當前,完全不為所動。聖經中的約瑟便是一個成功的好例子;之不過,聖經中的失敗例子,就更加不計其數!

所謂明槍易擋,暗箭難防!拒絕風塵女子尚且容易,但誘惑卻可能往往暗藏於不知不覺間。

日間在工作上和小強並肩打拚的戰友 Josephine,原來由於台灣這幾年經濟不景,被迫放下家庭長駐內地,想不到平時好硬淨的她,因家裡的一點點事,那晚竟變得如此傷感柔弱,小強動了憐憫,想不到自己由一位聆聽者,慢慢變成了安慰者.....

長期枯燥乏味的工作早已令小明身心疲累,今晚,小明又獨個兒在他工作的酒店內加班至夜深。突然,一位少女服務員闖入了他的辦公室來,眉目似帶傳情地說:「你是從香港總公司來的嗎?」然後漸漸挨近他來,小明開始好覺得,這制服,好誘惑.....

25 則留言:

  1. really行走江湖

    我都以為貪心那班人係大陸人, same thinking

    回覆刪除
  2. 出外公幹, 長啲嘅時間, 最難頂. 所以, 我以前成日喺自己間酒店房自己慰藉自己~

    回覆刪除
  3. 浪人m:

    啊啊,乜嘢人都可以貪心,唔單只係大陸人!

    回覆刪除
  4. 梁巔巔:

    係囉,喺酒店房睇吓電視,真係一種幾好嘅慰藉。

    回覆刪除
  5. 睇書得唔得?難得有時候睇書。

    回覆刪除
  6. hkeric:

    Yes, yes!! 我去大陸出 job 都成日鎖自己喺酒店房裡面睇書0架,嘻嘻!

    回覆刪除
  7. 除了必要應酬我定必留在酒店,連名片也不會隋便派以免招惹不必的的麻煩!國內會加幾分緊慎!男人好多時都敗在一個『色』字!

    回覆刪除
  8. "係囉,喺酒店房睇吓電視,真係一種幾好嘅慰藉。"

    我係打飛 _

    回覆刪除
  9. 除咗大陸,菲律賓都係一個男人去滾的天堂.

    回覆刪除
  10. 聶秀康:

    近排時近國慶,隨時洗太平地,更加要小心,千祈唔好以為上吓房唔搞嘢就一定冇事。

    小心,小心!

    回覆刪除
  11. 梁巔巔:

    OIC!! 你用打蚊機去打飛蚊!!

    回覆刪除
  12. 浪人m:

    其實實係唔係講笑,我舊年喺大陸住過一間酒店,真係好過瞓街,啲蚊多到嚇死!

    我就真係要晚晚用打蚊拍打完飛蚊先瞓得到!!

    回覆刪除
  13. Bittermelon:

    大陸應該專門照顧服務公幹出差嘅一群,而菲律賓會唔會係主打為國爭光嘅旅遊人仕呢?

    回覆刪除
  14. 我定力差, 好彩唔洗出外公幹, kakaka

    回覆刪除
  15. 篤篤篤撐:

    哈哈,冇你份去貢獻祖國,實在係國家嘅損失!

    回覆刪除
  16. 以前識好多機械工程師長注大陸,
    後來多數變哂雞蟲,
    間唔中返幾日大陸問題唔大,
    但係要長駐就難講,
    一來工作苦悶,
    二來上面引誘多,
    三來價錢平,
    四來人人都係咁做,
    雖然話自己有自己嘅原則,
    但久而久之,
    在這樣的環境下生活,
    君子都變淫蟲呀!

    回覆刪除
  17. 新鮮人:

    好人好姐喺大陸失腳嘅例子真係見唔少、聽唔少!小弟知道好多嘅case屎,有啲都喺教會知返嚟,嗰啲都係有心改過嘅好男人,返教會叫人「守望」而自爆嘅,至於收收埋埋唔俾人知嘅case屎,一定不計其數!

    呢篇野其實係有網友要求小弟分享而寫嘅,最初我唔係好想寫,因太敏感,但後嚟諗吓,寫啲野俾大家做吓警惕都係好事。

    回覆刪除
  18. 我有個死黨既老公就係大陸做野幾年, 都是 "潔身自愛", 我也曾為死黨擔心, 反而死黨對老公很有信心.

    回覆刪除
  19. 肥貓:

    我都信唔係個個留係大陸做嘢都一定會滾嘅。

    回覆刪除
  20. 我沒試過長期在內地工作。可能到時候也會抵受不著引誘也說不定了 :(

    回覆刪除
  21. 都好同意你呢句"我定力薄弱,我好易醉"背後既用此意,good.

    回覆刪除
  22. 中產管數男:

    呢句嘢係從前牧師教落,俾我地行走江湖嘅口訣:)

    回覆刪除