昨日，富士康啲跳樓自殺數字去到疑似16跳，好觸目驚心！心中一直好替啲工人擔心，唔知佢地究竟出咗乜嘢事？佢地係唔係好唔開心呢？生活係唔係感到好苦悶呢？係唔係得唔到了解同關心呢？佢地嘅需要，係唔係冇人去照顧，冇得到滿足呢？尤其是圖中呢位富士康 iPhone 妹妹，佢最近點呢？十分掛念！！同事問我，話知道我係蘋果嘅 Die Hard Fan 屎，會唔會因為富士康呢間血汗工廠係有份生產 Apple 產品，而唔買蘋果嘅嘢呢？我答佢地：「梗係！」同事當堂對我肅然起敬，樹起晒啲手指公大讚：「欽敬！欽敬！」
查實，Apple 啲嘢，要買嘅我都買咗啦，未買嘅 iPad，而家只會係嗰啲好有錢嘅有錢人(例如肥貓)，先做到用高過市價嘅價錢，快人一步買到部正嘢番嚟玩，俾平凡人預先一步享受啫。就係咁，所以我先會大大聲咁話：「今日唔買富士康有份整嘅蘋果嘢～～住！」
富士康其實唔知係唔係有心靠害，今日正正係蘋果 iPad 推出嘅第二波，呢個時候先至同全世界嘅人宣示，血汗工廠係有份造佢嘅，係咪玩嘢？唔知今日買 iPad 啲人，揸揸搓搓部 iPad 時，感唔感覺到唧得出富士康員工嘅血同埋淚呢？
為咗抵制富士康，我決定七月前都唔會買 iPad！
我認為, 推源禍始, 係祖國嘅問題......
回覆刪除錯字了
回覆刪除die hard
見諒
原來係一個月唔買~~~~ :P
回覆刪除不需抵制，
回覆刪除惟得彻底改善工人生活和工作环境！
梁巔巔:
回覆刪除同意，呢個問題仲係唔細添！
浪子：
回覆刪除係喎！改咗，多謝提醒^^
DeepC:
回覆刪除香港都未知係七月頭定係七月尾先有得賣，所以應該要等超過一個月架^^
嘿嘿:
回覆刪除我倒相信富士康給予工人的工作環境不會太差，然而同意你所說，工人的生活，無論是在物質還是精神方面，都應改善。
我的意思也是包括精神上和物资上的好环境。
回覆刪除据说他的设施很好，多是人事沟通出了问题，缺乏和善气氛。枯燥机械式的工作，使人在精神上受不了。
以前我在英国Walls做过包装冰棒，若没有和旁友聊天或每小时休息片刻，肯定会疯掉的！不好受，但工资高！！！（可以补贴学费和奢侈开销，呵呵~）
我看富士康是缺少心理学家来当人事部和保安部。尤其是保安部里缺少职业性的训练。
回覆刪除保安人员不仅仅是治安而已，这是很专业的职业，不能只是抓贼韩贼，无时不刻对着员工抱着敌对的怀疑态度，还得有理性地、人性地执行任务。这肯定是富士康的问题症结处！
>> 而家只會係嗰啲好有錢嘅有錢人(例如肥貓)
回覆刪除E 兄,
你對我既誤會實在太深啦......
小弟會抵制富士康，直至出第二代iPad， 直至發左達...
回覆刪除Btw, 貓生話依家可以用香港嘅Apple ID單撈iBook啦, 不過ibook好貴, amazon好似平d.
回覆刪除嘿嘿 :
回覆刪除我想，這次富士康已經得到好大的教訓！
肥貓：
回覆刪除可以單撈 iBook 拿？！太吸引喇！
Amazon 嘅 Kindle 書我覺得唔多 user friendly, 所以我都係好期待 iPad：）
hkeric ：
回覆刪除唔駛等到第二代啦，你好快發達架喇^^
放心, 遲d apple一定會分散定單灼其它加工廠, 富士康冇得撈了...
回覆刪除btw, 今日韓寒最講到中國年青一化民工既處境:
http://blog.sina.com.cn/s/blog_4701280b0100iy7s.html
篤篤篤撐:
回覆刪除心好酸：（
其實我認為這不單是富士康的問題,很多企業根本當工人是奴隸般使喚而已,這是問題的根源,這種"管理"模式一日不改,相同的問題只會繼續發生,而且會漫延至其他企業.
回覆刪除另外,大家都在批訐富士康對待工人不好,但其實比富士康更差的企業還有好多好多.
Bittermelon:
回覆刪除"比富士康更差的企業還有好多好多"
同意,真係見唔少!!