2010年5月28日

抵制富士康

昨日,富士康啲跳樓自殺數字去到疑似16跳,好觸目驚心!心中一直好替啲工人擔心,唔知佢地究竟出咗乜嘢事?佢地係唔係好唔開心呢?生活係唔係感到好苦悶呢?係唔係得唔到了解同關心呢?佢地嘅需要,係唔係冇人去照顧,冇得到滿足呢?尤其是圖中呢位富士康 iPhone 妹妹,佢最近點呢?十分掛念!!

同事問我,話知道我係蘋果嘅 Die Hard Fan 屎,會唔會因為富士康呢間血汗工廠係有份生產 Apple 產品,而唔買蘋果嘅嘢呢?我答佢地:「梗係!」同事當堂對我肅然起敬,樹起晒啲手指公大讚:「欽敬!欽敬!」

查實,Apple 啲嘢,要買嘅我都買咗啦,未買嘅 iPad,而家只會係嗰啲好有錢嘅有錢人(例如肥貓),先做到用高過市價嘅價錢,快人一步買到部正嘢番嚟玩,俾平凡人預先一步享受啫。就係咁,所以我先會大大聲咁話:「今日唔買富士康有份整嘅蘋果嘢~~住!」

富士康其實唔知係唔係有心靠害,今日正正係蘋果 iPad 推出嘅第二波,呢個時候先至同全世界嘅人宣示,血汗工廠係有份造佢嘅,係咪玩嘢?唔知今日買 iPad 啲人,揸揸搓搓部 iPad 時,感唔感覺到唧得出富士康員工嘅血同埋淚呢?

為咗抵制富士康,我決定七月前都唔會買 iPad

20 則留言:

  1. 我認為, 推源禍始, 係祖國嘅問題......

    回覆刪除
  2. 不需抵制,
    惟得彻底改善工人生活和工作环境!

    回覆刪除
  3. 梁巔巔:

    同意,呢個問題仲係唔細添!

    回覆刪除
  4. 浪子:

    係喎!改咗,多謝提醒^^

    回覆刪除
  5. DeepC:

    香港都未知係七月頭定係七月尾先有得賣,所以應該要等超過一個月架^^

    回覆刪除
  6. 嘿嘿:

    我倒相信富士康給予工人的工作環境不會太差,然而同意你所說,工人的生活,無論是在物質還是精神方面,都應改善。

    回覆刪除
  7. 我的意思也是包括精神上和物资上的好环境。

    据说他的设施很好,多是人事沟通出了问题,缺乏和善气氛。枯燥机械式的工作,使人在精神上受不了。

    以前我在英国Walls做过包装冰棒,若没有和旁友聊天或每小时休息片刻,肯定会疯掉的!不好受,但工资高!!!(可以补贴学费和奢侈开销,呵呵~)


    回覆刪除
  8. 我看富士康是缺少心理学家来当人事部和保安部。尤其是保安部里缺少职业性的训练。

    保安人员不仅仅是治安而已,这是很专业的职业,不能只是抓贼韩贼,无时不刻对着员工抱着敌对的怀疑态度,还得有理性地、人性地执行任务。这肯定是富士康的问题症结处!


    回覆刪除
  9. >> 而家只會係嗰啲好有錢嘅有錢人(例如肥貓)

    E 兄,

    你對我既誤會實在太深啦......

    回覆刪除
  10. 小弟會抵制富士康,直至出第二代iPad, 直至發左達...

    回覆刪除
  11. Btw, 貓生話依家可以用香港嘅Apple ID單撈iBook啦, 不過ibook好貴, amazon好似平d.

    回覆刪除
  12. 嘿嘿 :

    我想,這次富士康已經得到好大的教訓!

    回覆刪除
  13. 肥貓:

    可以單撈 iBook 拿?!太吸引喇!

    Amazon 嘅 Kindle 書我覺得唔多 user friendly, 所以我都係好期待 iPad:)

    回覆刪除
  14. hkeric :

    唔駛等到第二代啦,你好快發達架喇^^

    回覆刪除
  15. 放心, 遲d apple一定會分散定單灼其它加工廠, 富士康冇得撈了...

    btw, 今日韓寒最講到中國年青一化民工既處境:
    http://blog.sina.com.cn/s/blog_4701280b0100iy7s.html

    回覆刪除
  16. 其實我認為這不單是富士康的問題,很多企業根本當工人是奴隸般使喚而已,這是問題的根源,這種"管理"模式一日不改,相同的問題只會繼續發生,而且會漫延至其他企業.

    另外,大家都在批訐富士康對待工人不好,但其實比富士康更差的企業還有好多好多.

    回覆刪除
  17. Bittermelon:

    "比富士康更差的企業還有好多好多"

    同意,真係見唔少!!

    回覆刪除