2010年5月25日

狂想 iPad

今日,見到肥貓話佢嘅貓生已經買咗部新寵 iPad,我諗,佢地應該一定玩得好開心架喇。而我,雖然一向係 apple 嘅 fan 屎,但係我諗我會等到七月,iPad 正式喺香港發售之後,確定 iBooks 可正式用到,先會考慮買。

曾經好認真地去思考過,iPad 究竟應該用嚟做乜?唔通用佢嚟玩 iPhone 啲 app ? 咁點解唔用番 iPhone 呢?唔通貪佢大舊貪佢重咩?用佢當 notebook?佢功能點同我部 MBP fight 呀?用佢嚟聽歌?又點解唔用番 iPod 喎?

其實左睇右睇,iPad 最引人之處,似乎就在於 iBooks 喇!自已由 Palm 開始,到 Pocket PC,再到 iPhone,一路都有睇開電子書嘅習慣。但係可能礙於機身體積同埋機器嘅功能所限,果啲電子書一係唔係甩頭甩骨爛字多籮籮,就係功能或者版面唔多掂,最磨練人嘅,當然係啲字太細,睇得好唔舒服啦;用電腦睇唔係話唔得,但係我睇書嘅習慣,係喺街等人等車呀、搭車搭 lift 呀,大小二便嘅時候居多,冇理由捧部腦出街或者捧入厠所睇書咁型仔啫 ?!

Kindle 似乎都好吸引,又細又薄又輕,畫面都應該幾養眼,但係,見到佢係全 button 操控,仲有佢粒方向鍵核核突突咁,真係唔多開胃。

我對 iPad 嘅 iBooks 都有幾大期望架,雖然好似未有真係好 powerful 嘅睇書軟件出現,但係一般如書架呀、暢順咁番頁呀、點字即查字典呀、讀字呀、high-lighter 呀、bookmark 呀、jot note 呀、睇 doc 睇 pdb 睇 pdf 睇 Kindle 呀等等,相信都冇咩問題掛?

8 則留言:

  1. 先等國際中文版,睇吓有乜書,及如何download書先。Kindle最失敗的,是下載書本困難重重。

    很多人買iPad坐在沙發/床上上網,用到唔停得手。

    回覆刪除
  2. 李小龍:

    歡迎光臨!

    我用 MBP 同埋 iPhone 單撈 Kindle 又幾順喎!

    回覆刪除
  3. 用來玩games / apps / online都唔錯. :)

    回覆刪除
  4. DeepC:

    係,用iPad玩Game應該幾正,我諗好多人咁快買都係呢個原因,只可惜,我唔鍾意玩game,所以呢方面對我吸引唔大:(

    回覆刪除
  5. >>佢地應該一定玩得好開心架喇

    係佢玩得好開心至真!!

    不過用來看pdf, 看文章真係好好, 比係itouch睇就係好千倍.

    貓生依家都有download d ebook黎睇, amazon 好似有d free 既 ebook, 我見佢download 左本中英版老夫子, 幾得意!

    回覆刪除
  6. 肥貓:

    妳都愛上用佢嚟睇書喎^^

    回覆刪除
  7. 去旅行一路行一喀用ipad睇地圖,上網揾”食”,就真係very good啦.

    回覆刪除