2010年9月14日

暫時情人

估唔到講靚女呢個話題真係咁好寫,先兩篇開咗個頭,越講就越多記憶走番出嚟,真係有啲欲罷不能添!

CCTVB 啲是但劇,周不時都會有啲咁嘅無聊劇情,講個女角要求個男角暫時扮做佢嘅男朋友,幫佢過橋頂住一陣。誰不知,呢啲白癡嘢,真係發生過在我身上。

在我入行後嘅第一年,在 Annual Dinner 裡面忽然撞番某某 Auditee 公司中嘅一位會計部女同事,我當時從嗰間公司收咗 job 冇耐,所以當晚仲同佢哋有啲計傾。嗰位女仔好單刀直入咁同我講,可唔可以走嘅時間扮住佢男朋友,送佢番屋企。原來,佢部門有個核突佬(好記得叫做 Andy Lau!)一直好瘋狂咁追緊佢,當晚收到風條友仔會當眾向佢送花示愛添!因為個核突佬同佢係同一部門,如果搵自己人扮好易會穿煲,搵我的話,Andy Lau 反而會信咁囉!我睇佢係靚女份上,就免為其難應承咗佢喇。

當晚走嘅時間靚女好大力咁捉實我隻手臂,經過 Andy Lau 前面時仲貼埋塊面落我手瓜度添,坦白講,我冧到想死!爽個陳X希!連阿媽都唔認得!!

你可能會問,之後我同靚女有冇下文?答案係冇乜囉。同事、Client、Auditee 呢啲高危同埋手尾長嘅嘢,咪搞我!仲有,我當年信耶穌冇耐,好聽教會教架,揀女友,要留番俾基督徒姊妹先得嘛!


當年今日:
睇科騷 II

60 則留言:

  1. D靚女就係貪你唔會食左佢,先黎搵你啊~

    唉~

    回覆刪除
  2. 詩白爾:

    係呀,可能我個樣好林善囉^^

    回覆刪除
  3. 同病相憐啊,已經有十個女仔話我個樣好誠實。

    =[

    回覆刪除
  4. 詩白爾:

    嘩!你身邊常常俾十條女圍實,欽敬!欽敬!

    回覆刪除
  5. 咁又唔錯喎!但送佢返屋企時,佢有冇甩番開呢?

    咁你而家係咪搵教人拍拖/結婚呢?

    回覆刪除
  6. 俾靚女捉實隻手臂已經爽過陳X希, 你都好易滿足喎!

    回覆刪除
  7. l.minor:

    歡迎光臨^^

    咁就過咗骨後,梗係唔再捉到我實啦,我就想!

    我點敢教人拍拖呀?不如你分享吓仲好啦^^

    回覆刪除
  8. 肥貓:

    唔通要真係好似陳X希咁咩?

    回覆刪除
  9. 梁巔巔:

    原來呢個topic幾好寫架,你都試吓啦^^

    回覆刪除
  10. 我都想....就算係,都係圍住我俾好人卡囉~

    =[

    回覆刪除
  11. 詩白爾:

    你有人圍總好過冇人蘇下啦,遲早有機會啦^^

    回覆刪除
  12. Sorry,其實我係寫漏咗隻字,係想寫"咁你而家係咪會搵教會人拍拖/結婚呢?"

    回覆刪除
  13. >> 唔通要真係好似陳X希咁咩?

    你就想啦!! e嫂係邊呀?

    回覆刪除
  14. l.minor:

    都係架! 我都講過,我好聽話架嘛^^

    回覆刪除
  15. 肥貓:

    唔駛激動唔駛激動!學陳易希數下星星算喇,好唔好?

    果陳未識e嫂,所以唔知佢喺邊度:(

    回覆刪除
  16. 除了羨慕兩個字
    我諗唔到第三個字

    回覆刪除
  17. 卡臣:

    呢個當係當晚Annual Dinner抽到大獎咁囉,好運啫^^

    回覆刪除
  18. >>已經有十個女仔話我個樣好誠實

    大開眼界,原來誠實的真正意思有意思得多!

    唉!那些美麗女生真係幾生修來的福氣!人人爭住做觀音兵,難為我們這些醜人,差啲唔敢來留言添!:P

    回覆刪除
  19. Coffee n Tea:

    妳手執單反半掩面張相都殺死人啦,唔好講笑!

    回覆刪除
  20. 愛情係盲目嘅,
    美女當前,
    仲可以咁清醒分析形勢,
    好明顯個女人唔夠班令你入迷喎!

    回覆刪除
  21. 新鮮兄:

    個女仔都幾索架,羞DD入迷架喇,當年,好彩仲頂得住!!

    回覆刪除
  22. Coffee n Tea:

    你以為果十個女仔都係美女?佢地只係普通o既女仔而已。靚o既都俾人Mark左了

    我都明25歲前o既女性係鍾意靚仔.....

    回覆刪除
  23. 詩白爾:

    俾普通嘅女仔圍都唔算咩啫,你講開,又勾番起我初初番教會時嘅恐怖經歷喇:

    http://ebenezer-ebenezer.blogspot.com/2009/04/blog-post.html

    回覆刪除
  24. Eben:

    你泳隊嘅,有強勁嘅臂彎,啲女生梗係挨埋黎喇,我少年時淨係識用火鉗捉曱甴,有鬼肌肉咩 :(

    回覆刪除
  25. 詩白爾︰

    >>25歲前o既女性係鍾意靚仔?

    咩統計來架?值討論下!

    不過我就認為由18到70的男人都鍾意靚女!:p

    回覆刪除
  26. haha, Coffee, 係 10 到 100 呀,甚至 10 到未 hip 埋眼前 !

    回覆刪除
  27. laulong:

    你今日post嗰張相就睇到你當年係幾咁型仔啦,何必妄自菲薄呢?!

    回覆刪除
  28. Coffee n Tea:

    照我對我個仔嘅觀察,佢由幼稚園開始已經好鍾意同d樣好少少嘅女仔玩架喇。

    回覆刪除
  29. 咖啡奶茶:

    呢個係我大學同學o既結論。(佢係靚仔,成武哥type,佢俾佢女cut多過我收好人卡。)

    另,男仔3歲都開始睇靚女啦,中四成班男同學已經用ICQ傳「老翻楊千嬅」了。

    Ebenzener:

    咁快揀未來新抱?

    回覆刪除
  30. 「我睇佢係靚女份上,就免為其難應承咗佢喇。」 <-- 靚女就會有人"免為其難"囉~

    回覆刪除
  31. 小星:

    助人為快樂之本嘛,而且,真係幾快樂架^^

    回覆刪除
  32. 校長、詩白爾、Eben︰

    就係咯!我一講完18-70歲,已即刻後悔了,直頭應該係3歲至合埋眼前都一樣!

    不過,你哋講靚女講得好開心噃,仲話要貼多三幾篇添,因住趕客呀!(講我自己)
    體量下我哋呢啲唔靚嘅好喎!嗱,應該貼篇唔靚嘅點攞了男人的心咁吖嘛!唉,冇你哋咁好氣!

    回覆刪除
  33. Coffee n Tea:

    妳實在太誤會我地喇,我又點會係D以貌取人咁膚濺嘅人呢?

    妳睇清楚我篇“校花“,妳睇唔出我係批判緊果D空有外在美,而冇內在美嘅女子,係冇咩好結局,唔得人鐘意嘅咩?

    妳又睇下我篇“暫時情人“,妳睇唔到我唔會一見靚女就追咩?

    所以,最得男人心嘅,梗係妳地D賢德嘅女子啦^^

    回覆刪除
  34. 弊!認真咗添!
    查實,靚女我都鍾意!我首先就係個會以面貌取人的膚淺女子!:p

    Btw,賢德從來離我很遠!

    回覆刪除
  35. 咖啡奶茶:

    美女過左四十歲又咪係走樣....小詩唔似D狗公咁鍾意你爭我奪四圍獵食,就算追到靚女,靚果part都係會過期o既bonus黎o者,最緊要都係夾得埋。

    夾唔到,就算大家有心都無用的。唉~

    回覆刪除
  36. Ebenezer,

    你都算艷福不少, 精彩!
    然而, 這裡的留言更精彩. Haha


    P.S. 人天生愛美, 何止三歲小孩愛美女, 有知覺的嬰兒也愛美女, 但不限外在美, 還有內在美, 他們是feel到的. :)

    回覆刪除
  37. 睇到我呢啲全定向醜老鴨百感交雜添l

    回覆刪除
  38. 詩白爾:

    講得啱呀小詩,靚女如浮雲.....

    回覆刪除
  39. DeepC:

    我都估唔到呢個話題唔只好寫,原來仲好好傾添!^^

    回覆刪除
  40. the8:

    百感交雜?笑死妳咋掛??!

    回覆刪除
  41. e兄,

    呢個topic真係好勁, 有成40+回應, 你倘情人果然好attractive.

    回覆刪除
  42. 肥貓:

    係呀,妳見我同校長寫得咁鬼過癮,不如妳都整番篇吖?

    估唔到靚女一出,原來真係會咁令人血脈沸騰嘅,靚女呢家嘢,都係少惹為妙:(

    回覆刪除
  43. 青春歲月的美好回憶.
    我一直都不注意自己外表, 直到入研究院的一天, 有個師姐(外籍的)一見到我就捉實我隻手臂和我參觀實驗室, 嚇了我一跳.

    回覆刪除
  44. Quality Alchemist:

    之後你地點?

    回覆刪除
  45. 覺唔覺你轉咗哩個TEMPALTE後,
    個BLOG LOADING好慢呀?
    有時要成十幾秒都未LOAD完喎!

    回覆刪除
  46. 新鮮人:

    係咩,我又唔係好覺喎!

    建議接受,等我有時間再揀個新template,又轉轉個look喇:)

    回覆刪除
  47. 之後沒有什麼了. 但同了另一師妹一起.
    不過最終的不是在大學所認識的.
    但很奇怪的是, 現在的太太原來又是我的師妹, 不過之前沒有見過的.

    回覆刪除
  48. 第五十三個留言!我都來趁趁熱鬧,也是關於靚女 auditee 嘅。


    我當入行初初是做內審的,公司裡很多靚女女同事,老闆有命切忌讓別人講閒話。因此我在言語上,傷害了一位好女子一位女同事,至今仍然覺得無好意思!

    事源我新入職時,公司一向有做一個為期兩週的新人 orientation program,讓新來的同事認識公司每一個部門的基本運作。我和那靚女同事同期,大家都是新丁,兩週來的朝九晚五相處比較熟絡,之後在公司內和街上遇上靚女,都有傾有講,問候幾句近況,不過僅止於如此,沒有單獨約會過。

    但一次去到她工作部門做內審,雙方老闆介紹認識雙方同事認識。但這位女同事卻說認識我在先,而且頗為熟絡,他的老闆當然說好,無問題喇!但我的老闆卻面都黑埋(一瞬間啫),我唯有講了些說話澄清。但當時後生細仔,說話唔夠圓滑,言語上傷害了別人...至今遺堪!


    另外,同意新鮮兄所說,以兄你是否在網址上放了些,透明的 Tracking program 之類的JAVA 軟件,每次登入你網誌,我的 laptop 就說要增加 virtual memory 的啊!!!

    回覆刪除
  49. 第五十四個留言!

    "靚女好大力咁捉實我隻手臂,經過 Andy Lau 前面時仲貼埋塊面落我手瓜度添。"

    以兄一定是高大威猛型男噃!

    靚女塊面祇到達兄台手臂處,還是她故意彎腰貼落手瓜處,小鳥依人呢?

    回覆刪除
  50. Quality Alchemist:

    睇嚟,你同你班小"師妹"都幾有緣喎^^

    回覆刪除
  51. the inner space:

    你咪笑我啦! 女同事經過Andy Lau前面時,想縮埋塊面避開佢,所以咪借我擋吓路囉,不過又話時話,佢身形都算係嬌小玲瓏嗰隻。

    做Auditor唔可以同Auditee有乜瓜葛,因為會影響Independence,你當時老細都執到好正,一讚!你都有咁多有趣經歷,不妨以後分享多D啦^^

    至於個template問題,我會有時間的話,儘快去搞搞佢,多謝提醒:)

    回覆刪除
  52. 以兄:有趣經歷不多,上次在你 舊文,都有講過另一個慘痛經歷,個個都是靚女 Auditees,仲有呢班個個都是金髮碧眼添!

    唉!慘情架!

    回覆刪除
  53. the inner space:

    唉,咪係囉,我地做Auditor,周不時遇到呢D嘢,睇就似乎好爽,但係有幾多人明白我地當中嘅辛酸呢?!

    慘慘!!

    回覆刪除
  54. 當我2011年先睇到你呢篇文,陳x希我反而諗起近來的陳x希,但睇番篇文2010年寫,噢,我諗錯左。但點都記唔起2010年的陳x希係邊個。

    回覆刪除
  55. Him Cheng:

    我係想講,我唔會似陳冠希呢種男人,而係似數星星果個陳易希咁乖仔^^

    回覆刪除