可能因為而家仲係農曆七月，所以成日都俾我見到啲污糟嘢！ 今日打風，我準時即閃，趕去搭巴士返屋企。上到車，我坐喺樓上右排第二行，諗住呢個位夠晒自閉，可以唔多理其他乘客搞乜鬼！點知，前排坐位隨後又坐一對男女，貌似幸福胃的素廣告嘅主角。
開車時架巴士已經好多人，多到上層都有人企喺隔離。誰不知坐前排個女子在眾目睽睽下，兩隻手揸住隻男豬頭，將隻豬咀好慢、好慢咁印落自已個哨牙口度，閉上眼睛，個樣懶有高潮咁。我被迫近距離睇個豬咀點啜棚哨牙，真係好鬼嘔心！個哨牙婆仲拎吓拎吓個頭潻，我睇到真係想死！不特止，個豬咀又周不時伸條豬脷出嚟，間中乃下個哨牙婆隻耳仔，哨牙婆之後再頭拎拎.....「阿媽！救命呀！！」
對豬男女坐嘅上層右排第一行，其實係有塊鏡對住佢地嘅，我望吓塊鏡，見啲豬手where吓where吓.....賤！
坐喺我旁邊嘅一位阿伯，一上車就瞓，唔知佢係唔係被迫嘅呢？早知我都瞓吓啦！！
咁...你呢期黑仔...成日撞到污糟嘢...我溫馨提示你隨身帶住對紅筷子以便不時之需!!
回覆刪除the8:
回覆刪除對紅筷子係唔係用嚟“星”佢地嘅呢？
祝君安好！
回覆刪除(哈哈！)
Hana:
回覆刪除百無禁忌！百無禁忌^_^!
緊係唔係喇...係俾你必要時用嚟自毁雙目免得眼怨!
回覆刪除影低佢放上"你管"吧!
回覆刪除嘩! 你真係好黑啫! 紅筷子睇怕到唔得, 不如著番件紅under啦 !
回覆刪除the8:
回覆刪除就算自毁雙目,都會聽到啜啜聲個播,點算?
新鮮人:
回覆刪除坦白講,我昨日都有諗過偷影俾大家欣賞,不過我坐得太近喇,落唔到手!
肥貓:
回覆刪除著紅底? 可能俾張紅底叫佢早d收科仲有效喎!
色慾真人show,唔駛比錢有得睇喎,咪當睇4仔囉唯有...hehe
回覆刪除Bittermelon:
回覆刪除我想佢哋俾番錢我去買眼葯水洗眼同埋見心理輔導:(
真人show好核突 !!!
回覆刪除你地o既留言好好笑!!!
千企唔好比我撞到呢D咁
o既"場面"有次返工搭巴士，
隔離坐在一對男女朋友，一坐
低就鬧交，尤其個女的，猛鬧
個男的這樣那樣，男的就間中
回下嘴，不過到落車佢地已經
好番啦，好似睇左一場戲咁...
又有一次，夜晚放工搭巴士，坐
低無耐，隔離個女仔邊講電話邊
喊，好像是一些家庭問題，到收
線仲喊咁，仲愈喊愈淒凉，好想
安慰一下佢，但又唔知點安慰，
最後佢都收左聲冇喊啦。
Ivy:
回覆刪除歡迎光臨:)
Yes,搭巴士,飽歷眾生,善哉!善哉!
紅筷子？愛黎夾住中指驅鬼呀！
回覆刪除laulong:
回覆刪除我時運高，睇唔到，睇唔到：（
每晚一上車即訓。
回覆刪除Ebenezer:
回覆刪除往好處諗,這個場面雖然嘔心,但起碼都係安靜,合埋眼就沒野.總不至會聽到佢地互咀的聲瓜.
撒鹽.....辟邪呀！
回覆刪除No 喇!
回覆刪除你自毀雙目祗需要一雙紅筷子嘅一端!為衛生起見不宜眼耳共用一端,所以呢個時候可以用另外一端自毀雙耳嘞!
咁就乜解決咗喇!
hkeric:
回覆刪除係囉，瞓咗就一了百了，塵歸塵、土歸土，冇眼睇喇！
鏡田：
回覆刪除唔係聽唔到架，昨日個場面！我坐正佢地後面，佢地又貼實個椅背，我同佢地相隔呎零兩呎炸，啲打茄輪啜啜聲，我收得好好架：（
聶秀康：
回覆刪除我一時間唔記得帶鹽呀，慘慘！
the8:
回覆刪除咁咁咁...我咪仲慘過滿清十大酷刑？
其實,你換個位,冇眼睇咪得攞.
回覆刪除你形容得咁仔細,覺得你有係心睇既.(講笑咋!)
吾話你知:
回覆刪除換位?我都想架!不過我個咁多嘢睇嘅位,就唔知有冇人有興趣坐喇?