 |
| 網上圖片 |
記得讀小學的時候，特別在天寒地凍的早上，我總愛嚷著媽媽給我到士多去買熱麥精，再在小販那裡買那熱騰騰、鋪滿了豬油、醬油和花生的紙包糯米飯。之後，拿去學校門口排隊等開門，一邊打著冷震，一邊緊緊拿住熱麥精暖手，再一邊大口大口地享受那美味的豬油撈飯。
到了中學時代，又總愛在大時大節時，三五成群地四處遊蕩。有一年，在一個寒冷的聖誕晚上，和一班同學在尖沙咀鐘樓下，每人手裡都拿著一枝熱維他奶，靜靜地守候子夜來臨。忽然，四周車輛汽笛齊齊響起，到處滿是歡呼，彼此都在興奮！隨便摟著身邊的女同學互相緊緊擁抱，深深熱吻。當晚，熱情好比手中的熱麥精般燙手，溫馨窩心勝過喝一口甜甜的維他奶！
現在，賣熱維他奶的小暖櫃似乎只可在 7-11 或者 Circle K 才可找到。每次孩子要求的話，我也樂意給他買過一枝；心想，日後他自已再飲這熱麥精的時候，不知他又會泛起甚麼甜蜜溫暖的回憶呢？
>>隨便摟著身邊的女同學互相緊緊擁抱，深深熱吻。
回覆刪除係唔係架？要做誠實的孩子喎！:)
Coffee n Tea:
回覆刪除當時年少輕狂嘛!
現在就實俾人打兩巴啦:(
隨便摟著身邊的女同學互相緊緊擁抱，深深熱吻
回覆刪除大唱哥哥首歌先啦「我這晚熱辣辣......」
非常極度異常羨慕。
鹿米館:
回覆刪除俱往矣:(
此情只待成追憶一_一!!
>>隨便摟著身邊的女同學互相緊緊擁抱，深深熱吻。
回覆刪除結果錫中個醜妹...後悔不已
卡臣:
回覆刪除哈哈!好彩當年D女同學都唔係太差^^
不過,當年冇攬攬錫錫過的話,可能而家仲後悔:P
Ebenezer, 你的名字很少看到, 是什麼來頭呀, 跟天主教有關嗎? 可否解譯一下?
回覆刪除舞了:
回覆刪除Ebenezer 這個名字都算頗普通，妳上網隨便看看，叫這個名的人不少。
Ebenezer 是一個希伯來名字的音譯，中文則譯做"以便以謝"。此字出自舊約聖經，並且經文也替這名字作了解釋如下：
撒母耳將一塊石頭立在米斯巴和善的中間，給石頭起名叫以便以謝，說：到如今耶和華都幫助我們。 (撒上7:12)
我也在自我介紹中引此經文去解釋 Ebenezer 的由來及意思。
好多人留意你攬女熱吻嘅一段喎,
回覆刪除哈哈哈~~~
熱麥精、熱維他奶就飲得多,
但係紙包豬油撈飯就未食過了,
可能係地區唔同呀,
當時沙田區唔多覺這樣食物添,
冬天係屋企就試過偷老媽子嘅豬油加豉油撈冷飯,
不過就無熱食咁好味了!
新鮮人:
回覆刪除係囉，D人都唔理我其他D分享嘅:(
細個果屎，小販賣糯米飯好普通jor bor,佢地加豬油在糯米飯上面，超正，不過而家就食唔番喇:(
本來糯米飯這段很吸引,
回覆刪除可借加插咀咀這場, 使99%讀者轉移視線.
DeepC :
回覆刪除唉！真可惜:(
>>>>隨便摟著身邊的女同學互相緊緊擁抱，深深熱吻。
回覆刪除唔怪得之一諗起維他奶就咁回味啦!!!
不過維他奶好惹痰架, 少飲為妙!
肥貓:
回覆刪除對！維他奶其實好鬼甜，成日飲真係唔掂！
Ebenezer, 你係咪讀教會學校架, 係咪港島果間聖約瑟書院?
回覆刪除舞了：
回覆刪除非也！非也！
妳點解會以為我讀聖約瑟嘅？
>>隨便摟著身邊的女同學互相緊緊擁抱，深深熱吻。當晚，熱情好比手中的熱麥精般燙手
回覆刪除哇，係人睇到都眼突喇，好 open 呀~~
laulong:
回覆刪除唉！做0靚仔時啲0靚妹都open嘛，而家仲想open都唔得喇:(