2010年11月5日

熱麥精

網上圖片
今天,看新鮮人那篇《冬雨》,文中提起了熱麥精,我立時給他勾起了好多好多令人回味的記憶.......

記得讀小學的時候,特別在天寒地凍的早上,我總愛嚷著媽媽給我到士多去買熱麥精,再在小販那裡買那熱騰騰、鋪滿了豬油、醬油和花生的紙包糯米飯。之後,拿去學校門口排隊等開門,一邊打著冷震,一邊緊緊拿住熱麥精暖手,再一邊大口大口地享受那美味的豬油撈飯。

到了中學時代,又總愛在大時大節時,三五成群地四處遊蕩。有一年,在一個寒冷的聖誕晚上,和一班同學在尖沙咀鐘樓下,每人手裡都拿著一枝熱維他奶,靜靜地守候子夜來臨。忽然,四周車輛汽笛齊齊響起,到處滿是歡呼,彼此都在興奮!隨便摟著身邊的女同學互相緊緊擁抱,深深熱吻。當晚,熱情好比手中的熱麥精般燙手,溫馨窩心勝過喝一口甜甜的維他奶!

現在,賣熱維他奶的小暖櫃似乎只可在 7-11 或者 Circle K 才可找到。每次孩子要求的話,我也樂意給他買過一枝;心想,日後他自已再飲這熱麥精的時候,不知他又會泛起甚麼甜蜜溫暖的回憶呢?

18 則留言:

  1. >>隨便摟著身邊的女同學互相緊緊擁抱,深深熱吻。

    係唔係架?要做誠實的孩子喎!:)

    回覆刪除
  2. Coffee n Tea:

    當時年少輕狂嘛!

    現在就實俾人打兩巴啦:(

    回覆刪除
  3. 隨便摟著身邊的女同學互相緊緊擁抱,深深熱吻

    大唱哥哥首歌先啦「我這晚熱辣辣......」

    非常極度異常羨慕。

    回覆刪除
  4. 鹿米館:

    俱往矣:(

    此情只待成追憶一_一!!

    回覆刪除
  5. >>隨便摟著身邊的女同學互相緊緊擁抱,深深熱吻。

    結果錫中個醜妹...後悔不已

    回覆刪除
  6. 卡臣:

    哈哈!好彩當年D女同學都唔係太差^^

    不過,當年冇攬攬錫錫過的話,可能而家仲後悔:P

    回覆刪除
  7. Ebenezer, 你的名字很少看到, 是什麼來頭呀, 跟天主教有關嗎? 可否解譯一下?

    回覆刪除
  8. 舞了:

    Ebenezer 這個名字都算頗普通,妳上網隨便看看,叫這個名的人不少。

    Ebenezer 是一個希伯來名字的音譯,中文則譯做"以便以謝"。此字出自舊約聖經,並且經文也替這名字作了解釋如下:

    撒母耳將一塊石頭立在米斯巴和善的中間,給石頭起名叫以便以謝,說:到如今耶和華都幫助我們。 (撒上7:12)

    我也在自我介紹中引此經文去解釋 Ebenezer 的由來及意思。

    回覆刪除
  9. 好多人留意你攬女熱吻嘅一段喎,
    哈哈哈~~~

    熱麥精、熱維他奶就飲得多,
    但係紙包豬油撈飯就未食過了,
    可能係地區唔同呀,
    當時沙田區唔多覺這樣食物添,
    冬天係屋企就試過偷老媽子嘅豬油加豉油撈冷飯,
    不過就無熱食咁好味了!

    回覆刪除
  10. 新鮮人:

    係囉,D人都唔理我其他D分享嘅:(

    細個果屎,小販賣糯米飯好普通jor bor,佢地加豬油在糯米飯上面,超正,不過而家就食唔番喇:(

    回覆刪除
  11. 本來糯米飯這段很吸引,
    可借加插咀咀這場, 使99%讀者轉移視線.

    回覆刪除
  12. >>>>隨便摟著身邊的女同學互相緊緊擁抱,深深熱吻。

    唔怪得之一諗起維他奶就咁回味啦!!!

    不過維他奶好惹痰架, 少飲為妙!

    回覆刪除
  13. 肥貓:

    對!維他奶其實好鬼甜,成日飲真係唔掂!

    回覆刪除
  14. Ebenezer, 你係咪讀教會學校架, 係咪港島果間聖約瑟書院?

    回覆刪除
  15. 舞了:

    非也!非也!

    妳點解會以為我讀聖約瑟嘅?

    回覆刪除
  16. >>隨便摟著身邊的女同學互相緊緊擁抱,深深熱吻。當晚,熱情好比手中的熱麥精般燙手

    哇,係人睇到都眼突喇,好 open 呀~~

    回覆刪除
  17. laulong:

    唉!做0靚仔時啲0靚妹都open嘛,而家仲想open都唔得喇:(

    回覆刪除