 |
| 圖片來源：大紀元時報 |
曾財爺向市民派錢，就正如好似古時朝廷開倉向所有壯丁派米一樣，大家點會唔開心呢？但同古時嘅人一樣，大家即刻都會問：「去邊度輪米？幾時先有得輪大米？」
我諗今次曾財爺仿傚古時開倉，俾所有壯丁去輪米，佢一定要令到所有嘅人感到好快活好滿足先至得。如果唔係，再俾人打嗰個唔會再係特首，而會係曾財爺架喇，佢老人家點會唔驚呢？
家陣全港仲係有好多人興合合，話明要在三月六日上街遊行示威，曾財爺點樣先可以撲熄到大家啲火呢？哈，估唔到咁快就俾佢諗到學古人派米呢招，想得出呢條咁好嘅橋：派嗰個威威，輪嗰班人happy，大家啲火一定可以熄晒啦，叻叻！
暫時曾財爺好似還未公佈派錢嘅具體安排，我估，為求阻止大家在三月六日示威遊行，好有可能在當日佢會在遊行起點處企出嚟，即時派錢俾大家，到時，本應係去遊行條人龍，即刻就變做好似同佢輪大米嘅人龍啦，咁樣，曾財爺仲唔得米？！
派蝦派魚好d, 要即刻拿回家煮來吃, 以免變壞.
回覆刪除派米可能還會拿住袋米去遊行.
haode2010:
回覆刪除係wor，派魚生都得owr,可以就地食，仲開心wor:)
對於我說是好消息!
回覆刪除嗬嗬嗬！惡例一開香港危爾！
回覆刪除開倉派米換取民調，全民皆喜，派錢黨橫行開幕！
司機陳提議每月倡議示威一次，他願收七折！
Tealady華姐說月月有得派，她願收五折！
OA志仔說每季派一次三折，他已經於願足矣！
卡臣:
回覆刪除對於我個人來說也是好消息，對於香港人來說，就不知是好是壞的了！
the inner space：
回覆刪除你講得啱，以後應該年年都有得派架喇:)
我收得心安理得:"公帑"咪又係政府從包括我在內既市民身上橫徵暴歛而來!
回覆刪除btw我都剛寫完,不過寫另一角度。
Ebenezer, 咁, 你仲要唔要喺3月6日上街大肆慶祝一番咁呢?
回覆刪除早知如此，何必當初呢！一早係咁派就攞晒彩喇，可見能掌握形勢幾緊要呢！
回覆刪除我們不想看見貧富懸殊，我們不想老弱無依，我們痛恨香港長期堅尼系數世界第一……無論你在乎的是什麼，用你那六千蚊，豪邁地，爽快地，大佢！
回覆刪除http://lazylife.org/2011/03/02/2380
直接派錢幾時都係受人歡迎。
回覆刪除可能佢真係驚人打佢小人呀
回覆刪除今次真係被人輪...........大米囉!
回覆刪除哈哈哈~~~
若缺齋老人:
回覆刪除雖然大家收得心安理得，但似乎派嗰個派得心虛喎。
舞了：
回覆刪除一日錢未到手，一日都唔敢開心住！
laulong：
回覆刪除庸官劣績，可見一斑!
匿名:
回覆刪除大佢？點大法好呢？
Uncle Ray：
回覆刪除呢筆掩口費一定要駛架，事關今日特首要上京解話呀。
naruto：
回覆刪除係呀，現在d人打咗至算，好似唔識和平抗爭嘅威力架喇:(
新鮮人:
回覆刪除哈哈，佢仲要笑住口講：「順應民意啫^^」
一係就咩都無, 一係就俾咁多, 究竟這個政府發生了什麼事??
回覆刪除老老實實我唔係好prefer派錢, 不過如果俾fund佬既話, 我寧願派錢.
肥貓:
回覆刪除對，如果真係要將d錢掟落咸水海，不如派俾我！
加多選擇，派奶粉，減低媽咪壓力。仲要係香港居民。
回覆刪除曾特首上京參加人大政協兩會噃，可能突然胸痛發作，又學腳痛的董建華，提早畢業。既然派四百億水頭滅掉三六個遊行把火，換個派得更勁的特首上台，派到沒有六四維園燭光集會，派到沒有七一遊行.......派到沒有支聯會為止!!!!
回覆刪除鹿米館:
回覆刪除派奶粉？！好橋！俾香港永久居民可以攞上大陸炒，又賺多少少:)
The inner space:
回覆刪除真係掂架，,香港人冇乜骨氣架咋:)