 |
| 網上圖片 |
對！做人應該要“是其是，非其非”！曾特首話俾人打，點講都好，出手侵犯人嘅係唔啱就係唔啱，唔可以話覺得特首係衰人就有權出手打人，就算係摸人身體都唔可以話係合理，唔可以話郁得人唔夠傷就可以鬧人扮野扮痛，即使曾特首真係扮痛，道理都唔可以在郁人嗰一方身上，更加唔可以唔去指責打人/摸人呢種行為。肥醫生，你話係唔係？你覺得我講得啱唔啱？嗱，我讀得書少，唔好呃我呀！
我明白曾特首以致現政府令到好多人好谷氣好火滾，對特首恨之入骨，有人有咁嘅感受，可以話「於情可酌」；但攪到要出手郁人，然彼成班人湧出嚟向被打嘅人冷嘲熱諷，咁樣又係唔係「於理不合」？！
我係有個細路嘅父親，你教我，呢單嘢我應該點樣同我個仔講？
君子動口不動手嘛，如果唔係，變返森林規定:淘弱留強，弱肉強食
回覆刪除＞君子動口不動手嘛，如果唔係，變返森林規定:淘弱留強，弱肉強食
回覆刪除啱聽！
呢班人只係假民主，真獨栽。自己睇唔順眼既就小，同十字軍無分別。
卡臣:
回覆刪除哈，「君子動口不動手」呢句野，我喺小學時已經聽過喇:)
魔術師:
回覆刪除我覺得似紅衛兵。
Ebenezer兄講得好啱.不論對方如何衰格,出手郁人自己也變成"同流"而合污.自己降自己格.
回覆刪除魔術師以十字軍來形容實在心存厚度,如Ebenezer兄所言,紅衛兵似乎更貼切。
雖然打人唔啱
回覆刪除但係呢d喺示威活動上經常出現既肢體接觸行為真係司空見慣, 年青人喺耳濡目染下不知不覺間當咗唔係咩問題, 所以講, 都唔知話搞到呢d風氣揾邊個負責.
另外, 我都好憎縮骨同冇擔戴既人, 所以當睇到佢被人衝擊果一刻有d覺得扺佢同遲早都會發生既感覺.
Bittermelon:
回覆刪除英雄所見略同！我呢篇野，都係在你檔口留完言之後，有感而發先寫出嚟:)
舞了:
回覆刪除覺得曾特首抵打一件事，但因為咁而郁得出手就大件事！
同樣道理，我行到出街，我都覺得好多妹妹仔好抵錫架，唔通因為咁，我可以走去錫佢地咩？
>我都覺得好多妹妹仔好抵錫架，唔通因為咁，我可以走去錫佢地咩？
回覆刪除哈哈...講得好！
Hana:
回覆刪除唉！其實我都忍得好辛苦架:(
若掉翻轉頭啲保護特首嘅G4先郁手毓人preemptive strike 先發制人，我睇佢地就上綱上線，大做文章矣！
回覆刪除呢批人時常先把自己放在道德高位已見怪不怪矣！
MY VIEW:
回覆刪除1. 郁手打人一定唔ａｒｍ
２．睇片， 當時唔似郁手打人， 最多係肢體衝突
３．再睇片， 我有懷疑是否被拉的那位仁兄撞到ｂｏｗ ｔｉｅ， 現場似呢位仁兄撞到現場保安, 成班人撞埋一齊, 在"行兇者"與bow tie中間應該仲有人隔著
4. 由肢體衝突變成打人, 應該係有心人用字 (請留意第一日及第二日各傳媒用字)
5.主竟然俾示威者多次埋身, 現場保安及CID做緊乜 ?
6. 我一直反對lsd呢種示威方法, 睇今次佢地既反應, 就知佢地都"咩"唔起打人呢條罪。問題係佢地既示威方法, 總有一日會搞到暴力衝突, 佢地究竟想點 ?
7. 下次如果佢地搞暴力抗議, 建議搵d靚d既女仔, 出左事, 易d搵到同情~~
匿名:
回覆刪除六四當年，廣場學生高叫“罵不還口，打不還手”，當時的震撼，到現在還記得。
上道德高地，得人尊敬，不是可以用拳頭或者通過生事打回來的。
篤篤篤撐：
回覆刪除究竟邊一方有陰謀真係審死官，但有點好肯定，正如你嘅睇法一樣，係佢地既示威方法，總有一日會搞到暴力衝突。並且，對懷疑被打者再用冷言冷語手法招呼，的確十分涼薄，亦係另類嘅欺凌行為！
從來好似只有用和平抗爭方式先會有果效，呢班人想將香港引領入去一個乜野嘅方向？
呵呵，我又啱啱寫咗！
回覆刪除laulong:
回覆刪除呵呵，剛剛回帖咗俾你:)
撞鬼，你都寫得好抵死喎^^
個問題係：特首真係比人打？定係比自己人撞親？
回覆刪除" 在"行兇者"與bow tie中間應該仲有人隔著".
回覆刪除三車連環相撞, 都是告最後撞人個輛汽車啦!
從這片段看，這年輕人是「企圖衝向」特首作一種行動過程。
回覆刪除大家都心知，若果沒有那班無料到還是曲線的G4，年輕人基本上已經埋到身在特首身旁做什麼都可以。
好難唔信這位年輕人只是企圖站在特首身旁，什麼也不做罷。
以上的確是一個假設，甚至也不是指年輕人有沒有罪，而是指這位年輕人的行徑是不是合於情理和大眾所接受的行為。
特首的確好差到極點，但不至於要隊佢咁誇掛?特首的確對市民唔住，但不是用企圖衝埋去來治也這位特首。
還有一樣野係好唔明，好多時五毛黨好多時用匿名回應，就係因為理不直氣不壯。
打個名有幾難，網上你寫個假名都得罷。至少你有個身份來認定自己。
但相信上面那位不是五毛黨。
Uncle Ray:
回覆刪除就當年輕人只在特首面前作勢打佢，咁樣都係唔係普遍道德上可以接受到嘅行為？咁樣算唔算暴力？
就當事實係G4在護主時撞親特首，但咁樣可唔可以話特首撞親同受暴力威嚇無關？
我信人人生而平等，不管好人衰人、特首草民，都應該一樣可以享受相同嘅免受暴力侵犯、免受暴力威嚇嘅權利。
Quality Alchemist：
回覆刪除乜殺人、傷人呢d案子，最重要唔係睇「動機」嘅咩？乜唔係連教疏果個都算有罪嘅咩？
鹿米館：
回覆刪除我覺得現在香港有一荒謬，就是有人認為若是要表達不滿，要體現自由和民主，就得容讓他們不受制約。
完全同意!
回覆刪除很多人只有盲目的激情,
卻失去了理智的分析力,
政客從中混水摸魚,
大眾任人利用,
香港人的政治智慧何其"高"~
有跡可尋，董建華腳痛，事前沒有預報，啲人話太突然！
回覆刪除曾蔭權胸痛，有根有據，在他剩下的十六個月任期內，可隨時胸痛發作，提早拜拜，都講得通，合情合理！
新鮮人:
回覆刪除現在香港，有一樣要小心嘅，係恐怕民粹壓倒理智。
The inner space：
回覆刪除哈哈，你呢個提示真抵死^^
我的意思是不管有沒有直接撞到特首, 都有責任. 如三車連環相撞, 是最後的車撞到中間的車,再撞到頭車. 最後的車要負全責.
回覆刪除點同個仔講... 你支持社民既咪講一套，支持建制既咪做另一套囉。 =)
回覆刪除"不管沒有直接撞到特首, 都有責任."
回覆刪除不一定.
那個三車連環相撞的比喻有問題. 夾在中間的車輛完全處於被動狀況, 但特首的保鑣則是自主而積極地執行任務, 假如(純粹假設, 不代表事實一定如此)因執行職務時粗疏大意或經驗不足而誤傷當事人, 責任就落在保鑣身上了.
Quality Alchemist:
回覆刪除好坦白講，呢單嘢如果要用到技術性方式去爭議，真係可以有排拗。
反而我只想重申一下我自己嘅觀點，係對涉及到暴力形式嘅抗爭手法，我係好唔認同。
還有一樣，會唔會因為曾特首乞人憎，大家嘅分析會唔會有對人不對事嘅成份？以前，馬丁路德金都同樣常被受暴力性衝擊，大家又會唔會用一樣標準去判斷？
C.M.：
回覆刪除如果教個仔做人只看人面，對人不對事，真係好悲哀！
REAL ANONYMOUS：
回覆刪除看來那位年輕人被形容成是完全沒有動機地、完全被迫地、完全無可選擇地、完全因被G4牽連了才去傷人。
這樣說來，那位年輕人真可憐:(
我諗吾係有心打特首，祇係激動的就肢體碰撞了，但真係當事人至知....
回覆刪除特首管治不濟但不讚成動之武力。我想此政黨會失好多票啦今界。
聶秀康：
回覆刪除我都覺得位年輕人只係一時衝動，唔係存心去郁人。
但係我覺得，如果小朋友唔小心過咗火，大家應該話唔好，而唔係因為特首係衰人，就對人不對事，是非黑白不分，咁樣嘅話，其實比起果位小朋友嘅行為仲恐怖。
我諗佢真係有衝埋去, 但實事求是, 佢有冇真係行使暴力呢 ?
回覆刪除由第一日肢體衝撞, 到第二日大家都用"暴力"形容, 然後又上升到襲擊。
睇片, 應該只可以話佢行為不檢, 而唔能夠話佢襲擊人, 唔能夠假設佢衝埋佢就一定係打人, 佢可能撤溪錢or小狗佢呢 ?(呢個可能性最大 )
當然, 我仍然唔認同佢既行為~~~
>我覺得現在香港有一荒謬，就是有人認為若是要表達不滿，要體現自由和民主，就得容讓他們不受制約。
回覆刪除根據某些社運博客所言, 政府擁有武力,基於權力的不平衡, 社會是應容讓無權無勢的社運人士以激烈的手法抗爭.
篤篤篤撐：
回覆刪除實事求是，相信對於任何一個人來說，如果遇到有人不懷好意地衝埋自己身邊，說這個行動是暴力威嚇，根本是beyond reasonable doubt。
魔術師：
回覆刪除看來，恐怖主義在香港大有市場，大有發展的空間！
e兄,
回覆刪除"出手侵犯人嘅係唔啱就係唔啱"
我絕對同意你的說法!!
行事者本身的目的就是衝向特首, 製造混亂, 目的同行為都是不對, 話八十後衝動不理後果或者受人唆使還勉強說得過去, 最令我震驚還是有些議員竟然說特首小事化大, 好戲, 難道要曾生被人打到頭破血流才對嗎? 怪不得他們不讚同修改議事規則以制議員在議會上的行為, 因為他們都是 "等睇戲" !!
肥貓:
回覆刪除坦白講，我唔覺得果d議員唔識分析問題所在！
在立會辯論上，我認為謝偉浚鬧得好應，佢話果d議員其實只關心吸唔吸到社會上果10%-15%嘅支持者而己，是非對錯反而係其次。
從錄影片段可見, 該位年輕示威者祇是不斷走位嘗試接近曾蔭權, 期間, 他從來沒有撞擊任何人, 如果曾經出現身體接觸, 那也是保安或保鑣推開或撞開他. 這一個事實必須弄清楚.
回覆刪除Anonymous:
回覆刪除想深一層，那個走出來要衝擊曾蔭權的年輕人，可能才是真正的受害者，可能其實他才最可憐的一個。
"那個走出來要衝擊曾蔭權的年輕人，可能才是真正的受害者，可能其實他才最可憐的一個。"
回覆刪除你的見解令人產生共鳴. 一個倒行逆施的政府才會招來全城唾罵, 在這氛圍下, 一些富有理想及滿腔熱血的年輕人, 響應朋友或政黨的呼籲, 坐言起行, 不平則鳴, 向高官或特首當面表達不滿, 以期對方改善施政. 孰料出師未捷, 換來特首的襲擊指控及警方的拘捕, 該位年輕人的未來, 已然蒙上一片陰影, 首當其衝成為混賬財政預算案的受害人, 令人萬分憐惜. 你的感受, 許多有同理心的人也有. 至於他是否最可憐的一個, 那又未必, 那位昨天被警方用胡椒噴霧弄傷眼睛的八歲小童, 心理上若留下不良的童年陰影, 或日後發現視力受損, 受害程度就會高於這位被拘補的示威者.
Anonymous:
回覆刪除相輸局面，悲劇一椿:(