2011年11月7日

蝸居過的老家

我自小跟父母家人蝸居於深水埗裡的一個貧民屋邨中,直至畢業後,出來工作了,就獨自搬了出去一個人住。當時家裡少了我這個人,想必是因多了些生活空間,以後就變得舒適些、解脫些吧。

我仍記得當日踏足離開屋邨時的情景,父母親是淡淡然的,我挽著一袋衣服從此離去,也沒有說過一句話。

父母為了要我住得近,我為了要住得平,結果我仍留在深水埗,租住在一幢在街市樓上的破爛舊樓裡。那裡滿街都是垃圾,常常會見到老鼠,附近好多小販、好多老人家好多新移民,還有好多南亞裔人仕。

我當時雖然說是一個人住,但母親三幾天就會突擊走上來一倘,一時說拿湯來,一時說是要取衣服回去洗,一時又說幫我買東西幫我打掃,她其實是來看我?還是來搜查我有沒有收藏了非法入境者?

時光飛逝,昨日和父母一起住過的那屋邨今天已經拆了;那幢我住過的舊樓今天還在,但附近的面貌卻已經人面全非。

記得在那舊樓獨居的日子中,我間中都會在夢中回到那屋邨。而今天,我甚少夢見那舊樓,但卻仍不時在夢中,惦記起兒時和父母家人一起蝸居過的屋邨老家。

37 則留言:

  1. 能够有自己的屋子,已经是了不起了。多努力,赚多地钱,买洋楼,养番狗,够架势。祝你成功。

    回覆刪除
  2. 原來Ebenezer兄同我一樣都係屋邨仔,你張相係外地影既? 你細個果陣時好鬼靚仔喎 ;P

    回覆刪除
  3. 一介草夫:

    希望成你貴言啦^^謝謝^^

    回覆刪除
  4. Bittermelon:

    我諗我地呢行,好多師兄弟出身都係差唔多^^

    張相果處係都有去過個播,再估下喺邊處影?

    回覆刪除
  5. chok 過林峰!


    sPace

    回覆刪除
  6. 哈哈,伯母係驚做咗奶奶都唔知咋!話時話,我住緊嘅屋苑都有好多南亞人,我嗰層都有一戶,日日喺走廊都聞到咖哩味,真係鬼死咁香!

    回覆刪除
  7. 真係難得你貼張相出來,網聊的感覺即刻真實咗好多。

    回覆刪除
  8. 放心,我好潔身自愛嘅^^

    你有冇叫佢醒D咖喱雞過你嘆啫?!

    回覆刪除
  9. 白手興家, 專業人仕. 好嘢!

    回覆刪除
  10. Coffee:

    呢張相已經係舊屎個囉,見佢個背景有少少貼題,所以就破戒貼佢出泥頂住當啫。

    回覆刪除
  11. 巔巔:

    白手興家?我未有耐到喎!

    回覆刪除
  12. naruto:

    我D相,同你D水準冇得比啦。

    回覆刪除
  13. 這張相, 跟你舊時住的地方都無得比啦. hehe

    回覆刪除
  14. 果然係靚仔一名
    你老婆幸福啦

    回覆刪除
  15. DeepC:

    呢張相俾我嘅feeling,真係同以前自己一個人住果度俾我嘅感覺一樣。

    回覆刪除
  16. 卡臣:

    果時係𡃁仔一名,
    娶到我老婆,我好幸福=_=!

    回覆刪除
  17. 少年人自己外出闖天下,
    有點孤單但自由的感覺,
    很感動的一篇,
    其實可以寫多一點,
    讓大家感受更多!

    回覆刪除
  18. ... 離開屋邨時的情景,父母親是淡淡然的,我挽著一袋衣服從此離去,也沒有說過一句話。

    --> 生命有時最不堪回首的就是這種“淡淡然”,當時也許沒有什麼感覺,回頭再看時,很多微妙的改變也許就從這一刻開始 ...

    另,幅相入面個主角好靚仔喎!

    回覆刪除
  19. 新鮮人:

    好!等我諗諗,寫吓獨居時代嘅野都好^^

    回覆刪除
  20. 好一個靚仔肌肉男!

    大家一齊寫吓過去,可真會喚回些香港價值!

    回覆刪除
  21. 嗱嗱嗱!chok 過林峰!筍盤過陳豪!型過laughing 哥!

    需還要記得起,以便兄的幾篇舊文,曾經講過佢點艱難用腦,至追到以便嫂,最後娶得美人歸,成為 嫂夫人!

    以便兄已經有樣板睇過,咁以便嫂屬幾極高“呢剖”,以便嫂甜嗮喇!

    以便兄:以便嫂會讀過嗬!




    sPace

    回覆刪除
  22. laulong:

    好!等緊校長寫吓過去,俾我喚回些香港價值^^

    回覆刪除
  23. sPace:

    你即係迫我要寫番篇歌頌讚美阿以便嫂啫?!

    回覆刪除
  24. 兄台不是已經寫過?當然我們樂於多讀幾篇!



    sPace

    回覆刪除
  25. sPace 兄:

    遲d寫篇有阿嫂嘅獨居續集,得未?

    回覆刪除
  26. 梗得喇!以便兄

    先多謝了。。。。。必廣受歡迎詢眾要求要多寫嚕!


    sPace ^_*

    回覆刪除
  27. 不要有壓力!

    大家都愛多聽:

    《金童玉女》and《神仙美眷》的美麗故事!



    sPace

    回覆刪除
  28. sPace兄:

    《金童玉女》and《神仙美眷》?我唔做得老作過喎!

    回覆刪除
  29. 我諗伯母係check你有無收埋件女(真)
    話說當年我搬出去無耐
    有日我返左鋪﹐條女則係廳屋企睇電視
    老母忽然間做突擊檢查
    返到屋企見到兩個黑面神坐係個廳度
    樣衰到呀...

    回覆刪除
  30. 文少:

    我老媽又唔會黑面喎,講真。

    回覆刪除
  31. 今晚冇波睇但惯左眼神竟然睡唔着覺,
    来到兄台處见到 “您或許對這些文章有興趣” 出现这一篇。
    《金童玉女》and《神仙美眷》的美麗故事,
    還未寫 哈哈哈哈 走數!

    回覆刪除
    回覆
    1. the inner space:

      老兄,說甚麼《金童玉女》and《神仙美眷》?俱往矣!

      現今,間中有得睇睇波,已經心滿意足了.

      刪除