2011年11月8日

造市者

網上圖片
今日看信報,紀曉風這樣寫:

「建制派選票離奇增加,令人百思不得其解,老紀翻查選舉事務處資料,更發現該三個分區的選民人數較07年一屆大幅增加,且增幅大舉拋離其他選區,而最終三個分區的投票率更被大幅推高,似乎有關方面早已積極部署,以在這些重點選區擺下詭異鐵票陣,成為真正的「狙擊手」。」

紀曉風所提的三個選區,其中一個在黃埔,另一個在山頂。莫非阿爺為種鐵票,真的神通廣大到那個地步,可以威迫大量鐵票搬入山頂和黃埔去居住?又或者阿爺為滲透鐵票,包起了這兩區的一些住宅,放人入去登記做新選民?跟人說股市這個間中挾上挾落的地方,可以做到完全被人操控大局都未必會有人信,更何況要去操控大量香港市民的主觀意願和行動?在「信報」日日有人對市場寫專業評論的媒體裡,紀生在這個場地用如此水準來分析「市況」?他是不是有病?

同樣,昨天梁家傑質疑公文黨的失敗,在於中央「操盤」造市,運用強大力量控制了選舉的形勢。他這個講法,無疑是跟鐵票論同一樣的思路。

以上的鐵票論,本質上其實是在侮辱市民通過「民主選舉」作自決的有效性、以及質疑「選舉制度」的存在價值,也在羞辱選民參與選舉表決的自主意願;而最最受輕侮的,是香港人的智慧和人格!

選舉失敗並不可恥,但不去反省失敗原因,反而走去「賴屎賴屁」,卻是最可悲。

34 則留言:

  1. 唉,我都想見證一下中聯辦的功力,點知望穿秋水,人影都唔見一隻,我問我個仔,無;我問我啲選民學生,都冇!

    中央發功?嘿嘿,咪自欺欺人喇!

    回覆刪除
  2. 從街工的勝利可以看到選民係以服務能力為選舉標準的, 以前民主黨在地區工作是做得不錯的, 感覺現在淡了不少. 在區議會層次, 大律師團隊好像真的很少做到實事. 如果在4,5年前就決心在區內培植有能力, 有幹勁的新力軍接班, 又何須下下都倚賴那些明星級議員出選啦(這裡實在有機會主義嫌疑), 他們根本都無時間(甚至無心)兼顧街坊服務的.

    回覆刪除
  3. laulong:

    認真講,聽過D話自己同政圈有接觸嘅人爆料,話阿爺真係有發過功,不過唔係用鐵票呢招,而係捉咗人地個仔,迫佢帶埋班0靚做無間度幫阿爺發功咁話喎。

    咁無稽嘅野,你信唔信?就算班友仔咁無品,阿爺都做唔出啦,係冇?

    回覆刪除
  4. 舞了:

    哈哈,妳估走去問班受過專業訓練嘅大狀黨以下嘅問題,佢地識唔識答:

    1) 區議會同立法會嘅分別?
    2) 做大狀同做議員嘅分別?
    3) 搞破壞同建搞設嘅分別?

    回覆刪除
  5. 要落去區落手落腳做實事!

    看看李永達上屆勝出但週時唔見人影,see see 李卓人空降選區,look look 單仲偕 單靠名氣!

    還有兄台住個區,明星都要落淚!

    回覆刪除
  6. the inner space:

    如果只係識搞政治及思想鬥爭,其他嘢就唔識做,番工就唔見人,不如番大陸啦,果度適合D。

    回覆刪除
  7. 同意!但是內地邊個城鄉有得選呢?

    回覆刪除
  8. the inner space:

    內地D人代,理論上都係選出嚟個喎。

    回覆刪除
  9. 但就算叫佢地返去內地,都冇得參選被選!
    :(

    sPace

    回覆刪除
  10. 除了紀曉風,還有陳雲,稱大陸為土共,有極強偏見,總之阿爺做什麼都是錯,有錯的一定是阿爺。如此思想,移民走吧。

    就算阿爺真係有鐵票,只佔小數;今次破紀錄高投票率,唔通個個都係阿爺指使?

    其實區議做d乜,大家都未必知,亦冇乜期望。今次反映,大部份選民唔想投俾社民,公民及人民。如果佢地唔反省,再賴屎賴屁,下次立法會將會再次被選民離棄。

    回覆刪除
  11. sPace:

    佢地真係番內地?玩思想鬥爭佢地㸃夠人揮呀?

    回覆刪除
  12. 哥欺拉:

    社民同人民肯認失敗,都算好樣d,反而公民梁大狀昨天賴唔投佢地嘅人就係阿爺嘅鐵票,再將佢個黨向死地加多一腳。

    回覆刪除
  13. Sorry, back to your quote of HKEJ.
    I am too foolish to understand your hidden explanation of the query HKEJ raised.

    Please kindly elaborate.

    回覆刪除
  14. 人地地區做得較好,較多係事實,輸左就要檢討,唔認輸係無用嘅

    回覆刪除
  15. 匿名:

    我冇hidden explanation 喎,紀生話建制派選票離奇增加,似乎有關方面早已積極部署,以在這些重點選區擺下詭異鐵票陣。我唔同意,邊得咁易安插鐵票?!

    回覆刪除
  16. naruto:

    係囉,輸咪輸囉,為乜頼㞗頼屁呢?

    回覆刪除
  17. 如果泛民繼續內鬥、公文袋繼續搞咁多好玩野,作為土共出身的本老頭真係為我班中學校友開心:以前議席係要爭番來,而家坐在度都可以輕鬆接收新選票,唔駛打都贏何樂而不為?

    回覆刪除
  18. 若老:

    早知你都出嚟選啦,真贏啦!^^

    回覆刪除
  19. 中央控制了選區的選票!

    好好笑咯!

    回覆刪除
  20. coffee:

    原來山頂同埋黃埔有好多人俾中央控制住呀,唔好去果D區喇,下個捉埋妳呀,哈哈!

    回覆刪除
  21. 卡臣:

    選民的選擇,冇計。

    回覆刪除
  22. 從近日文章可見
    很多政客以至政治評論員已經不太掌握到民意了,
    所以才會給建制派大獲全勝,
    他們不自省反而把罪名推給別人,
    且口裏只說著蛇粽餅,
    你估我前世未食過呀,
    莫講我無收過丫,
    就算有都唔會投建制派,
    除非佢真係做好地區事務就別論,
    講哩d說話的人簡直係度侮辱緊我地呀。

    回覆刪除
  23. 蔡子強在今天的明報:泛民就真的要好好思考對策,但我相信,那不是梁家傑那種由朝到晚只懂得說被人「抹黑」的態度,可以真的處理這股情緒,那徒然只是一種「面懵膏」而已。

    回覆刪除
  24. //梁家傑那種由朝到晚只懂得說被人「抹黑」的態度

    人必自侮而後人侮之!

    回覆刪除
  25. 新鮮人:

    今次泛民之爭,有好強烈思想批鬥味道,咁樣可能係好有反效果嘅,因為太似共產黨。

    另一樣,D所謂政治評論員以至政客,太過著眼於點樣解讀自己固有嘅政治理念,而一dd research都冇做過,唔去聽聽究竟市民普遍嘅政治理念係乜。Technically, 佢地根本上係read into the market, 而冇試過read from the market.

    所以選後,先會有咁多笑話可以俾人唱。

    回覆刪除
  26. 其實我都有同感,某幾位泛民領袖實在侮辱緊選民.

    OK,就算真係有好多選民被"動員"出嚟選,但香港選舉制度建全,根本無人知你最後選咗邊個.如果佢地既logic係事實既話,咁係對香港目前選舉制定既一個好嚴重指控.

    再係咁落去,叫選民以後仲點樣支持泛民?

    回覆刪除
  27. the inner space:

    枉呢班大狀自命專業人仕,睇梁家傑嘅分析能力,佢應該番去接受再培訓。

    回覆刪除
  28. 魔術師:

    如果話佢俾人「抹黑」,最抹得黑佢果個就係佢自己囉。

    回覆刪除
  29. Bittermelon:

    套用共產黨嘅說話,公民黨根本上係打著紅旗反紅旗。(扮著民主反民主)

    回覆刪除
  30. 猷記得2003年民建聯在區選中大敗, 曾鈺成辭去黨主席一職, 並承諾黨會深刻反省.民主選舉令自栩人民先鋒的共產黨人也變得謙卑. 號稱爭取雙普選的民主派政黨竟然如斯傲慢,實在枉稱民主派.他們再不好好反省過去數年有沒有脫離群眾,作出違背民意民情的事.明年立法會選舉, 選民就會大規模用選票去懲罰他們.

    potato

    回覆刪除
  31. 匿名:

    說得對!

    正如索羅斯所說:
    I'm only rich because I know when I'm wrong.

    回覆刪除
  32. 我真係見到一位神智痴呆的伯伯去投票...希望是假,如果是真的都真係好可怕!

    Fung

    回覆刪除
  33. Fung:

    佢識得自己走去投票,其實都唔儍。

    他會否是痙攣?看似痴呆?

    但假如他真的有事,相信亦沒有理由會令到 Tor. Error超標,影響到result.

    回覆刪除