2012年3月24日

民間全民投票 - 誰是黑手?


網上圖片
昨日,3.23「民間全民投票」活動據說被駭客惡意干擾了,以致大家不能通過電腦或者手機上網去投票。一時間,民心似乎因此而更加被激動起來,市民即時改了用腳去投票,紛紛親身走到投票站排隊,行使那妄想出來的投票權利。

好多人說,今次發動襲擊的駭客,幕後就是「阿爺」的爪牙,其目的是要把那丁點幻想出來的港人投票權利都去扼殺掉。然而,就如劉朗兄在他那篇「阿爺黑客,你真係信?」中所指出,阿爺癱瘓網站根本對自己沒有甚麼好處。劉朗兄的看法我也十分讚同,試想想,阿爺或者梁營若迫人用腳去投票的話,結果是得出多些人支持白票的機會高?還是甚麼也不搞,仍然維持狼英繼續帶頭跑前的機會高?我相信,劉朗兄和我會計數,阿爺更加會計數!

那會否今次的攻擊,是那些漫無目的的人所為?但通常,那些恐佈分子在搞完事之後,都會肯出來承認責任的,為何今次卻無聲無息?所以,我不相信這次事件是諸如「高x仔」之流的傑作。那麼,今次的駭客入侵,背後的黑手,又會是誰?

為求公平起見,小弟嘗試 list out 了餘下都有可能出手搞事的嫌疑分子出來,包括:

a. 唐營
b. 泛民
c.  人民力量/社民連(據說已被踢出了泛民)
d. 土共/建制派
e. 香港政府
f.  鍾庭耀自己
g. 外國反中亂港勢力


h. 其他_________(請列明)

你又會投誰的一票呢?






當年今日:
天劫歿日?

35 則留言:

  1. 我估係阿爺的仔或孫,智慧冇你同校長咁高所以只能夠做仔、孫,但又自以爲醒可以搏得阿爺摸下頭。至於阿阿爺個仔、孫所做所為應唔應該計落阿爺數,就睇你點理解一家人的意思了。

    至於有人話鐘sir唔去報警即係佢心有屎,咁梁振英唔去告葉國華、唐英年誹謗都係心有屎囉!

    回覆刪除
  2. Hana:

    我總覺得,如果駭客係真想幫阿爺的話,佢就根本上其蠢無比!

    回覆刪除
  3. 但可以留意成報對劉銳紹同劉建儀的態度,你又能夠認為好似你所說大陸真係有咁醒?

    如果阿爺真係咁醒,就唔會咁樣抽起條文同咁「潤飾」劉銳紹篇咁有趣。

    至於錘庭耀做既話,更加不合理,要知道錘庭耀之流並沒有什麼高招,想起當年路祥安,你就知佢在玩政治技巧是幾咁低能。

    鍾庭耀所搞的中心,耳目眾多,點樣可以攻擊而唔會比人知道呢?如果佢真係有咁醒同咁有機心,就唔會做埋呢行咁冇油水又冇著數的職位。

    仲有,如果阿爺真係一如你所講的高招,點解會有七一、上年遞補機制迫到咁多人去遊行?懷柔政策不行嗎?但冇做到。

    其實大家有冇好細心去想?點解大家咁曲線再曲線去想對手的不是呢?是不是互相存在不信任的心態?點解人民咁樣對執政權有這麼大的戒心?而執政者點解唔好好去想人民點解會想到自己咁黑呢?係咪要檢討下?在呢個社會入面,人民在沒有強大的機器和制度的優勢,只能以這樣類同「dup 石仔的行為」去表達。

    如果執政者站在人民的角度去想,便會覺得自己的是這麼差,去檢討下才對。而不是找借口說民間的不是。

    今日走到呢個局面,唔通中聯辦真係一些責任都冇?

    回覆刪除
  4. 嗱,係呢度同埋我嗰度的留言都有唔同的聲音,我哋只不過係小小的愽客觀者意見都好多元化,但你去雅虎的即時新聞留言嗰度睇下全部都是贊美梁振英的,好恐怖就像當年全民唱好毛主席一樣!當然我的唔撐的留言好快就被刪除,如果齋睇雅虎香港的新聞梁的民望高達90以上,呢個就係佢哋的手段了。要保持高民望要造民意亦即係強制性咁代表咗我們的願望。

    回覆刪除
  5. 無論係邊個都好,
    目的只有一個,
    香港人唔搞咁多事,
    聽教聽話就好,
    唔好"亂",
    邊個會咁諗丫?

    回覆刪除
  6. 恐怖實錄!人家報導的是港大的民意調查結果,但評論就一面倒勁插星島!

    http://hk.news.yahoo.com/梁振英支持度跌至新低-072300667.html;_ylt=AlrQEHuAyB9P2hZYfLsoe72dn8h_;_ylu=X3oDMTQydjA1MHNjBG1pdANMYXRlc3ROZXdzIExpc3RpbmcEcGtnAzBjZTdiZDgyLWU3ZGItM2IzMi1iZWQ4LTE4ZmRkNzdkMmQyYwRwb3MDMjAEc2VjA01lZGlhU3RvcnlMaXN0BHZlcgMyNzQwZjI5YS03NThhLTExZTEtYmNjZS03MjNkODg0MzE3NjE-;_ylg=X3oDMTJpZ2MzM3JnBGludGwDaGsEbGFuZwN6aC1oYW50LWhrBHBzdGFpZAMEcHN0Y2F0A.aWsOiBnummlumggXzmlrDogZ7nuL3opr0EcHQDc2VjdGlvbnMEdGVzdAM-;_ylv=3

    回覆刪除
  7. 所以我連網上票票站票都沒有去投!

    講動員能力阿爺個邊更勁,網上票紙張票都可能包括動員票,鐘庭耀沒法剔除發水成份。可靠性,可能比隨機的問卷更差(我話可能咋),哈哈哈!最終求仁得仁囉咁有點?發叔和班鄉紳,腋瘤和田二,都講嗮講清楚囉。

    而我繼續哀悼香港!

    回覆刪除
  8. 客觀事實係個system set得勁低B, 同一時間同一時間login入去令server頂唔順,loop咗係某一位置而領個system不能作出反應,投要者再不停reflesh, 於是個system超負荷以幾何級數咁上,唔死先至奇!

    以上呢個問題,好多IT人都知!

    可惜呢d消息唔會變主流新聞, 今天主流新聞會係阿爺連小小民間選舉都唔放過, 派黑客搞死佢地,可悲!

    回覆刪除
  9. 另外, 由於網站投票和手機投票不設身份證實名認證環節,有網民質疑,只要有人購買多張SIM卡,冒用他人身份證號碼,甚至製造虛假身份證號碼,就可以多次投票,網上( http://www.ifreesite.com/id.htm )有現成的身份證號碼自動產生程式,以設別碼的計算公式,經記者測試,百分百可以通過投票網站的認證。

    以經有好多人玩過入虛假身份證號碼,證實係得!

    昨晚亦有人試過確實可以同一張身份証到不同票站投票!

    回覆刪除
  10. Hana:

    哈哈,我呢度同妳地頭,俾人插就有,刪除相反意見就唔會有囉^^

    回覆刪除
  11. Terence Yun:

    我始終相信真正嘅阿爺係計算精準,反而往往拍阿爺馬屁者常常枉作小人。

    坦白講,邊個係始作俑者真係好難講亦好難証實。至於會否有多過一幫黑手?我覺得都唔好話冇可能。

    回覆刪除
  12. 我又係度諗,有幾多排緊隊嘅人係真係「好想參與普選」,抑或又係一時衝動走去做3分鐘英雄?

    回覆刪除
  13. 新鮮人:

    從另一方向去諗,越亂越好可能亦係某些勢力嘅期望同埋利益所在。

    回覆刪除
  14. 馬沙:

    鍾庭耀自己捉蟲絕對有可能!可能今次嘅模擬投票亂局,根本就有 multi-factors 存在。

    回覆刪除
  15. 魔術師:

    好老實講,我好相羊群心理效應唔單止只在投資市場出現,在投票場所一樣可以出現。

    回覆刪除
  16. 點解會假設姓鐘的唔報警,就冇人查?件事搞咁大,國安局點會唔出動?如果查到係姓鐘的或泛民攪事,重唔爆佢大x,等佢下場好似唐唐或特首一樣.當然,如果唔係佢地做,就一定係個system的問題,絕對唔關阿爺事.通對一個星期就知結果,唔信問吓港交所.你一個星期内無收到新

    回覆刪除
  17. 料,就係system問題.一分鐘一百萬hit,唔知要幾多人refresh幾多次至做到呢?

    回覆刪除
  18. 水之子:

    歡迎光臨^^

    鍾庭耀話咗決定肯去報警喇,希望好快大家可以知道真相啦!

    回覆刪除
  19. 其實我只是係唔明點解用一個奇怪的假設去推論,而有人又真係信晤報警等如身有屎

    回覆刪除
  20. 水之子:

    我則覺得每個奇怪的假設都有討論價值,結果只會越辯越明。

    回覆刪除
  21. 鍾庭耀肯去報警?哈哈,有可能係黑客攻擊係子虛烏有,咁以為錯咗唔駛死架,唔駛坐監架,咪話自己發姣以為俾人非禮咯,其實只不過一陣風吹過!

    另外,希望博友唔好乜都入阿爺數。天下咁大,有啲冇腦嘅人幫倒忙有幾出奇?正如出咗個魔警你唔能夠話佢就代表阿一哥。

    天下,真係好大架!

    回覆刪除
  22. 每次一百萬既攻擊都唔係黑客?
    咁好肯定香港人真係好投入競選了。

    橫掂呢期大家咁興做假設,又可以有這種假設。

    以阿爺很神通廣大,是知道這是外國勢力做的話,應該會很快對外公佈誰是黑手,因為阿爺是很高招的。平時外國有少許勢力,如馬丁走去人地個國會講兩句,都日日係咁鬧到佢冇得淨,但點解唔篤爆佢係外面人做呢?難道中聯辦先係串通外國勢力?

    如果是錘庭耀做,以阿爺高招,亦應該知道這是錘做的手腳,仲唔篤佢出來?好肯定讓錘庭耀從此消失於香港的民調行業,那麼曹二寶他們實在不需要再向說他們不是,可以站在道德高地。更可以讓中聯辦更有正氣形象。

    的確我也相信中聯辦是挺有勢力的。

    回覆刪除
  23. 港大全民投票個result出咗嚟嘞,
    繼續哀悼香港!

    回覆刪除
  24. 敬請留意已經拉咗兩個黑客了,唔該!

    回覆刪除
  25. 我已經哀悼一個星期了,
    不是因為今天梁的當選,
    而是這場選舉太過不勘,
    當初準備哀悼兩個星期,
    希望到是可以平復過來!
    並多謝劉朗兄這個平台,
    讓我可以知道更多議論。

    回覆刪除
  26. sorry 誤記我還在上一個Blog
    應該是
    並多謝以便兄這個平台,
    讓我可以知道更多議論。

    回覆刪除
  27. laulong :

    鍾庭耀遲遲唔肯去報警,的確有點奇怪。不過,是否今次是 either 阿爺 or 鐘生搞事?我覺得不必太單一化去想。

    回覆刪除
  28. Terence Yun:

    有黑客就一定喇,因為今日已經拉咗兩個。至於佢地係阿爺、中聯辦、還是其他人指使,可以好快有個答案。(至於答案係唔係真,就要睇真D)

    回覆刪除
  29. naruto:

    呢個可能性低咗D喎!

    回覆刪除
  30. the inner space :

    呢個 result 一定唔會同 actual result 相同!

    回覆刪除
  31. Hana:

    鍾庭耀一報警就即刻拉到駭客,原來駭客係非常容易搵到嘅!

    回覆刪除
  32. the inner space:

    唔洗咁客氣喎^^

    回覆刪除
  33. 哈哈,仲有一個可能性,就係啲實習黑客亂黑一通,連黑咗邊個自己都唔清楚!

    回覆刪除
  34. Armadillo:

    黑去d咁political嘅地方,真係揾棺材唔知定!

    回覆刪除