2009年9月24日

H1N1 當混吉

自從香港受到H1N1威脅之後,公司隨即制訂了好些應變措施,其中包括要求患有H1N1的同事,一定要確定完全康復了才可以上班。

上星期,又有同事懷疑感染了H1N1,她首先到政府的健康中心要求檢驗,怎料她被評為「非高危一族」,政府拒絕受理她。她遂去看私家醫生,結果醫生開了特敏福給她,給了她一星期假。

同事問醫生:「如果我退咗燒,可唔可以去外地旅遊呢?」
醫生答:「假如妳報咗團的話,點解唔去?」

於是同事之後去了越南,玩了五天!

因同事的個案屬疑似H1N1,按公司的應變措施,她一定要取得沒有H1N1帶病毒的証明,才可以上班。於是她再到政府的健康中心要求檢驗,結果她當然再度被拒。她惟有按公司的建議,去私家醫院作檢驗。

她去到養和醫院,護士叫她不要驗了,因她已經沒有病徵,而且吃過了特敏福,應該會驗不出來的。但礙於公司的保守規定,同事堅持要求接受檢驗。

給果照檢驗所得,她身上仍帶有H1N1病毒!!

原來,對H1N1的防範,現在只剩下私人公司才有意識!!!

22 則留言:

  1. 悟樂の空間:

    歡迎光臨!

    又係嗰句,大家自求多福吧!

    回覆刪除
  2. 好混亂喎,
    做市民嘅都唔知應該點做先好呀!

    回覆刪除
  3. 新鮮人:

    H1N1初初殺到嘅時候就緊張到爆,現在就詐睇唔到,哎!

    回覆刪除
  4. H1N1 其實不是那麼嚴重,小事一宗;問題是,這樣一鬧,你的同事何時才可以上班?!  

    你的公司要求太高了!!!  

    回覆刪除
  5. 唉,都是豬惹的禍....

    >>H1N1初初殺到嘅時候就緊張到爆,現在就詐睇唔到...

    我講係嗰班豬頭炳高官惹的禍!

    回覆刪除
  6. Frostig:

    當初香港政府咁死緊張,一般公司睇得緊係好正常喎!

    鬼估到佢兩個月前就當世紀絕症,今日就當詐睇唔到咩!

    回覆刪除
  7. laulong 校長:

    我諗你地教育界仲頭痕,仲俾d官玩死。

    回覆刪除
  8. 一星期假..應該係病假wor,
    你呢個同事炒得la !!

    仲有, 懷疑中左招, 仲走圍去旅行, 害人不淺 ar!!!

    回覆刪除
  9. 兩個月前就當世紀絕症,今日就當詐睇唔到
    >>>因為太多人中左招, 禁無可禁, 唔通全港所有人都唔出街、唔返工咩, actually, 政府已經投左降了 !!!

    回覆刪除
  10. 篤篤篤撐:

    如果係疑似H1N1,醫生點都會俾七日假嘅。

    個同事其真咁啱之前吿咗annual去旅行,點知撞正中招。

    但條友照去旅行,醫生又鼓勵,呢個係乜嘢世界?

    回覆刪除
  11. 真係好無耐...醫生又鼓勵...醫院又話唔駛驗...卒之玩大咗喇! 仲外遊埋添!

    我哋 team 既人都異常小心...尤其是我...我十月要去旅行呀唔可以中招!

    回覆刪除
  12. the8:

    妳唔駛咁擔心喎,事實証明,中咗招都可以去旅行播。

    不過妳身壯力健,唔會中招嘅:)

    回覆刪除
  13. 因為高燒,小弟上次係去急症室驗嘅,無事.

    回覆刪除
  14. hkeric:

    你冇事就好啦,有事就令人擔心喇!

    回覆刪除
  15. 有病毒也可以沒有病徵的嗎?那病毒會潛伏在身體多久?

    回覆刪除
  16. 政府話無大礙, 但又有人死, 真有點驚的.

    回覆刪除
  17. uncle ray:

    哈,天知!


    richma:

    有人死,政府話無大礙!

    回覆刪除
  18. 最先H1N1真係聞者變色, 依家就好似普通傷風感冒一樣.

    回覆刪除
  19. 初初政府咁大陣仗,搞到d私人機構要做好多嘢,又要setP&P啦,又DRP啦...

    依家就詐睇唔到,哎!

    回覆刪除
  20. 沒錯,當初就如臨大敵咁,現在感染人數一日多過一日,反而鬆懈了,我想主要同醫療資源緊絀有關吧...

    報紙都話豬流感已經變咗主要流感,大家小心保重身體為上

    回覆刪除
  21. Ivy:

    周一鑊今日講,依家每日都有差不多十個人因H1N1病情嚴重要入院,睇嚟大家都唔好鬆懈!

    回覆刪除