投資新方向

先幾日，接到位聲線好甜美嘅陌生小姐來電，佢話佢好想見吓我，想約我放咗工之後，出嚟同佢傾吓計食吓飯做吓朋友咁喎。我問佢係乜嘢人？佢答我佢在一間同《信報》有關嘅投資公司度工作，想同我一齊去研究吓買基金嘅心得囉。

我拒絕咗呢位小姐嘅勾搭之後，即刻聯絡《信報》報告呢單料。《信報》大為緊張，冇耐仲出埋以下嘅聲明添：

我睇番《信報》份聲明先知，原來若果應承姐姐仔同佢去街街，仲可以去埋睇煙花匯演浪漫浪漫一番添。唉！我可能真係走咗寶。

近排因為市況不好，原來好多投資公司都各出奇謀，搞埋好多好有創意嘅方法去揾新客。以上睇睇煙花嘅花招可能只係小兒科啫，國內嘅先進同業所搞嘅花款，先至算叫做有睇頭。

就以大名鼎鼎嘅《光大証劵》為例，佢地最近就在國內，搞咗個探討女性內衣及泳裝嘅「品牌服飾高峰論壇」。大家淨係聽個名，都知道好有學術研究價值啦！

圖片來源：新華網

國內另一間証劵大行《中金公司》亦唔執輸，佢地安排成羣美女陪人客遊船河，一齊邊賞月邊飲紅酒邊傾投資添，幾咁有品味呢你話！

「李氏力場」失效了

特別報告：

長久以來廣受大眾所信賴，保護香港免受強烈颱風苦害的「李氏力場」，今日竟然發生故障，未能如預期般服務市民，以致今早出現了八號風波。

今次事件，令到很多分析員對「李氏力場」都大跌眼鏡，並且有機會引發新一輪的信心危機。

網上圖片

閒談用套

我本身其實唔係好鍾意用套嘅，因為唔用嘅感覺會比較 free 啲。但係，為顧及安全性嘅問題，都係事事小心啲好，尤其怕自己一時忘形撞傷咗啲心愛嘅「打令」，到時就一定心痛死。因此，我會做番個負責任嘅人，最終都會笠番個套，特別係有需要在外出應酬公幹、舟車旅遊嘅時候，就更加不可以不帶套喇！

我最鍾意超薄型嘅套，因為我覺得用起嚟又有型、又貼身、又夠順滑。不過，真係好唔容易先俾我買得到啱用架，事關細碼 size 屎嘅就到處都容易揾到，但要去到15.4吋，原來係唔常有貨嘅！

唔想太「型」仔

點解無啦啦將部 iPhone4、iPad 2 同埋 MBP 改晒行 Windows 7 咁低能？

因為唔想.....太「型」仔囉！

我的 iPad 2

當年今日：
我的 iPad

是日秋分

圖示：秋去冬來

今天是秋分，是秋天的開始。過了今天，黑夜就會越來越長，然後寒冬才會越走越近。現在可感受到的少許涼意，可能正正是為未來的冰冷，作點小小的預示。

秋天總常教人有種憂鬱的感覺，是否由於葉飛花謝，枯枝處處的場景，總在這個季節見得特別多？

我愛秋天的肅殺，因為它格外令人感覺瀟灑！

秋分是二十四節氣之一，每年9月23日前後，太陽到達黃經180°時開始.....分就是半，這是秋季九十天的中分點。天文學上規定秋分為北半球秋季的開始，在中國南方地區、台灣和日本亦在習慣上視秋分為秋天的開始。

秋分時，全球晝夜等長。秋分之後，北半球各地晝漸短夜漸長，南半球各地晝漸長夜漸短。
(維基百科)

我以後唔再睇《爽報》

網上圖片

《爽報》出街唔夠幾日，已經到處被人喊打，好些學校明言不准學生閱讀，Facebook 亦已經出現咗譴責群組，似乎呢份鹹濕報紙，都有啲出師不利之勢。

我覺得肥佬黎要搞到行鹹報呢一步棋，好有可能佢已經走投無路諗到冇得好諗，情形就好似香港舊式戲院沒落，間間執笠前都變晒做鹹片戲院咁，希望在滿足鹹濕佬呢個小眾但穩定嘅市場時，盡量爭取呼吸埋最後一啖氣。

但我覺《爽報》前途比起鹹片戲院更加難搞。鹹濕佬好快入咗戲院就唔係咁易俾人認出佢鹹濕嘅本相，但《爽報》喺鹹濕佬番工嘅時間派俾佢，佢唔通在街邊睇？在巴士睇？在港鐵睇？在公司睇？咁即係在女途人、女乘客、女同事面前承認自己嘅鹹濕身份？用份《信報》包住佢留番屋企睇都係辦法，但鹹濕佬屋企實有大把好嘢啦，番到家仲駛睇呢啲小兒科？！

我唔係鹹濕佬，所以我以後都唔會再攞《爽報》嚟睇咁鬼麻煩！

***************

後記：

壹傳媒旗下免費報紙《爽報》充斥色情內容，惹起教育界、社福界及家長團體群表不滿，淫褻物品審裁處更將《爽報》「眼兒媚」專欄的首兩期網上聲音版和第二期的文字版，暫定評級為第二類物品（不雅物品），即不得向十八歲以下人士發布或出售。（25/9/2011東方日報）

當年今日：
中秋速寫

熊市來了

網上圖片

今天收市於 18824.17 點，終於相信，熊市真的來了！

這次態市來得特別奇怪，因它跳過了「牛三」最後升浪而直接降臨。據說，這個怪現像在美國亦曾經出現過，至於在香港這是否首次，則不大清楚。

這樣也好，免去了不必要的幻想與臆測，也可能免去了好多人在「牛三」狂升後暴跌時，死在血泊之中。

秋意日濃，希望還未真正到來的冬天不會太冷吧。





(本文並非任何投資誘勸或建議）

面懵心精

前一排，捉咗個去年在 iPhone 身上搵到唔少嘅朋友上我屋企，隊咗佢兩支紅酒，先套得到佢講出點樣搵到咁多米嘅祕技，雖然現在已經過晒氣喇，但總算佢都當我 friend，肯俾材料我去做事後嘅學術研究。

又先陣子參加咗教會一個喪禮，當時後人代亡者捐獻部份遺產俾教會，大家先知道呢個在生時極之樸素嘅阿伯，原來係一個在十年間，用十萬變出一仟三佰萬嘅投資高手！

話時話，在所認識嘅朋友當中，有啲真係幾叻仔架，我發覺佢地都有一個特點，就係真係醒嗰瓣，往往就係佢最低調嘅地方。



曲 : 馮添枝 / 詞 : 黎彼得

喺香港 　 大千世界  　亂咁恰人正蠢仔
比你威 　 兼聽你吠 　 傻夾戇 　就最襟擠

睇香港 　 人生百態 　 想發通常靠扭計
抵吓諗 　肯0翳夾跪 　唔怕第日無地位

現實社會不可以貌相 　 心地難想像
水 　 不可以量 　自大就聽遭殃

舢舨 　　莫充炮艇 　 叻仔通常冇出聲
起勢充 　盞本老命 　 其實係要面懵心精

爽！

今早，如常地睡眼惺忪，Fing 吓 Fing 吓咁走去自己所住屋邨嘅巴士總站，無可奈何地等排隊迫巴士返工。點知，突然俾個著藍色背心嘅姨姨阻住，夾硬要塞份報紙俾我，我即時心裡暗罵：「過主啦！」不過睇真啲，佢唔係派開《頭條》著紅色背心嗰個，而係一個好熱情，派《爽報》嘅新姨姨。

《爽報》呢個名，一聽就下意識覺得係份唔三唔四嘅報紙啦，點襯得起我咁正經嘅人格呢？誰不知，姨姨話手揸《爽報》，搭巴士就唔洗俾錢！

「慳番十九個半喎，咁爽？！」我即時醒晒，立刻搶咗份！

如果《爽報》日日都請我搭巴士，咁就真係爽喇。





當年今日：
אמונה 信

是日 9.18

圖片來源：洛陽網

今天是 9.18 事變 80 周年的日子，以下一段《中國評論新聞網》於今天發表的文章，頗有意思：

環球時報刊發日本JCC新日本研究所副所長庚欣的評論文章稱，“9.18”對日本來說也是重要的日子。日本在此之前已是西方的鷹犬並且醞釀侵略中國，但“9.18”讓日本走上了一條到今天都沒有真正回頭的“不歸路”：1945年日本投降後，可見的戰爭形態結束了，但日本在心理、認識上都沒有清算。國家怎麼走上新道路？日本國民並沒有答案。可以說，日本再沒有侵略的行動和能力了，但是“9.18”對日本仍是一個永遠的痛，不同於中國的痛。近來，日本遭受了地震的巨大打擊，國內政治局面也有些混亂，總體情況不太好。但新首相野田佳彥上台後，還在探討戰犯、神社等歷史問題，包括有著歷史淵源的領土問題（像釣魚島），也說明日本還未擺脫“不歸路”.....“9.18”之後日本與亞洲全面對抗，侵略戰爭把亞洲搞得“滿城風雨”，卻還只是一個承上啟下的事件。實際上，占領台灣、占領朝鮮半島、日俄戰爭等等，日本在“9.18”之前的各種動作和不義，其傷害一點不亞於“9.18”。


9.18 事件其實對中日兩國的人民都帶來了苦難，但願過這份創痛，最終彼此都可以得到完滿的治癒。

當年今日：
謦欬
新年好

師奶

網上圖片

今日，睇 naruto 分享王菲小姐嘅歌曲，其中以下一句，勾起咗點點從前難忘嘅回憶，一時間令我百感交雜：

“師奶是一種很玄的東西，如影隨行”



有次在口岸茶餐廳諗住去厠所，去到門口，女厠排晒長龍，男厠就無事。我入咗男厠，打開其中一格度門，點知發現我個 friend 個老婆踎咗喺度，我唯有同佢打聲招呼：「阿嫂，咁啱呀？！」

又有次同一大班人食飯，我講開話陣間要去找換店唱人仔，同枱有個師奶食住上，話身上有好多人仔想同我唱，佢即刻攞個 coin 屎包出嚟，數晒D人仔大餅同埋人仔毫子俾我，總共有幾蚊雞咁多！


當年今日：
秋意

春天不再來？

網上圖片

在六月初曾經作過市況初探，當其時所見的大市去向，是游走於牛市二期④浪下降調整的上落市格局當中，雖見有越走越弱的勢頭，然而形態仍未見被破壞。

可是打從六月起，整體港股股價高於 250 天平均線股份比例已下破到了 50% 的分界線以下，換句話說，六月時勢危的警號已經開始嚮起。由六月到七月，恒指月線 RSI 越來越趨近50，單邊跌市之勢越見明顯，警號亦越嚮越洪亮。到八月初上落市區間終於給跌破了，月線 RSI 亦下破了 50 關口，單邊跌市形態已成！

儘管恒指曾幾度跌穿萬九點，但是2009年6月12日①浪頂的19,162點，之前卻從未曾出現過連續三天被跌穿的記錄，因此，技術上這仍然未算真正被突破了。根據波浪理論，④浪浪底是不可能低於①浪浪頂的，若然真的連續三天跌穿19,162點的話，突破才會被確認，亦即是說，一個由「牛二」跳過「牛三」的熊市才會被肯定下來。

且看.....
2011年9月12日：19030點；
2011年9月13日：假期休市；
2011年9月14日：19045點；
2011年9月15日：19181點(最後5分鐘又重上19162之上！)

今天勉勉強強地捱過了「熊一」的測試關口，真神奇！下次是否又會同樣地好運？
現時美匯不斷攀升，後市走勢看來仍然暗淡。

基於杜氏理論，「牛二」之後理應是「牛三」；按照波浪理論，④浪之後應該是⑤浪。或者簡單一點的說，「最後升浪」照理應該要來臨的，但是為何現時在技術上倒完全沒見到半點跡象？

是否，經濟氣候更替就如現在四季氣候反常了一樣，已經給人類弄壞，春天不再會來？

眼見刻下希臘債務危機爆發幾乎已成定局，歐洲銀行擠提大有可能之際，主觀意願仍想儘量寄望祖國在持續經濟增長下，香港最終得到蔭庇而令升浪再臨，這個幻想是否一定不切實際？

(本文並非任何投資誘勸或建議）


Ref:
1) 2010年3月 林一鳴（東方日報專欄）光陰似箭，日月如梭:牛市一周年溫故知新
2) 林一鳴，波浪理論的基本形態，林一鳴博士後Blog，1/1/2007



當年今日：
新女傭
食好嘢

小心匯豐

網上圖片

在六月中的時候我搬家了，當時第一時間已經在 HSBC 的網上銀行系統中，更新了新的地址。

小弟一向支持環保，所以月結單通通都選擇了只收soft-copy，因此一直以來，我都不會收到銀行月結單 hard-copy 的。小弟也一向大意，很少會細閱soft-copy月結單（尤其是地址的部份），因為我有需要檢查賬目時，會比較喜歡用網上銀行系統去即時查閱。

直至上星期，我要求了 HSBC 寄給我一本新的支票薄。怎料，我所收到的支票薄，是經郵政轉遞服務，由舊地址轉寄給我的。我細心檢查支票薄的首頁，是舊地址！我再細心檢查最近各 soft-copy 月結單的地址部份，也是舊地址！我再上 HSBC 網上銀行系統去檢查我的銀行戶口客戶資料部份，是新地址！！

我隨即打去 HSBC 客戶服務部查詢，銀行職員經檢查後，也確認了我在六月中，已經成功地在銀行系統內，更新了我的新地址記錄。我問他為何月結單仍被寄去舊地址？是否銀行系統有問題？答覆是：「對唔住！」

相信大家都有理由相信，匯豐是一問值得信賴的銀行，它應該有很好的內控足以令大家好放心才是，然而現在居然發現了如此 silly 的毛病，你說是否「得人驚」？

(本文並非任何投資誘勸或建議）


當年今日：
暫時情人
睇科騷 II

又是大時代

網上圖片

昨日世界一片月黑風高的氣象，因擔心法銀評級危在旦夕，外圍市場顯得殺氣騰騰，大有一觸即發之勢。反觀香港股市雖然趺了八佰多點，但交投量只有五佰多億，是否在意味著大部份港人仍然相當鎮靜，一點也不覺得可怕，因而未見兵慌馬亂？


希臘債務違約幾乎成為定局，然而黃金價格不升反跌，是否只是因為早前金價勁升而仍在調整？還是有一個連黃金也抵擋不住的風暴快將來臨？是否連黃金這個避險工具也要被人換馬，因而使得美金上升？


明日會是甚麼的景象？


忽然又想起兩句經典的電視劇宣傳對白：

這是一個甚麼的時代？

這是一個「大時代」！


當年今日：
校花
睇科騷

明月幾時有？

網上圖片

一年容易又中秋！

昨天晚上下了一場大雨，窗外只有雨聲淅瀝，卻沒見半點光亮月色！不知今天中秋正日，光景又會如何？

記得去年的中秋皎月當空，但當時因思念而致心裡沉重。而今夜大有可能不見明月，心境則一片豁然。

人說：「人有悲歡離合，月有陰晴圓缺，此事古難全。」因此，中秋節沒得見圓月本來就不足為奇。然而人總得要有美好的期盼，正如廣告所謂：「希望在明天！」

＊＊＊＊＊＊＊＊＊＊

似乎今年中秋有特別多的風雲變幻：幾天前剛剛見美國人用跌市來對刺激經濟就業方案投以不信任的一票，今天又聞希臘似乎快要破產，法國以致歐洲隨時當殃。莫非世人想過些花好月圓的日子，希望仍然暗淡？

執筆時香港股市已經跌了八百多點，是在 Discount 上週五美國的壞消息，還是有更可怕的原因躲在背後？希臘危機不斷升溫，黃金竟然不強反弱，另一邊廂美金則在暗暗偷升，在一片月黑風高的景象下，這又是甚麼的兆頭？

＊＊＊＊＊＊＊＊＊＊

今夜，明月幾時有？把酒問青天！


當年今日：
Audit Finding

勁低能

唉，一條低能片，白痴到冇嘢好講！

輸到反艇

網上圖片

昨天晚上，太太對我說，她的一位同學最近才知道她丈夫原來瞞著了她去炒股，結果，在八月那次跌市中狂蝕了，給輸掉了一層樓，氣得那同學將她的丈夫趕了出街。

在短短的最近一個月內，這已經是我所認識的，第二個真人真事「輸到反艇」的真實故事了。好有可能，在我認識以外，其實已經有千千萬萬人同樣都是輸得要命。例如有一位無名者，就曾在討論區內發出過如下令人聞者傷心的真情剖白：

好對唔住家人，兩天內將十年積蓄輸光，面對唔到自己，家人，想過自殺，但又無決心，但腦海總是浮現昨天斬倉時景象
現在輸清光，只敢同老婆講，其他家人只知道我輸錢，不知道我輸了層樓
我今天請了徦，我無法面對現實，每當在馬路經過時，有一刻念頭想衝出去俾車撞死一了百了
我真不知怎樣活下去
別人常說玩笑上IFC ，我真得想過跳樓，
身邊人無人明白我，只說錢可以再搵
我真不知怎可翻身！
天像是要我死，在昨天低位處決了我！
可能大家會說，真正自殺的人不會上黎講咁多，
我都想可以堅持活下去，我惟一顧慮是太太和父母，唔想他們傷心，我真不知道這些事可和甚麼人傾訴，願大家作為我的聆聽者
謝！

其實，人誰無過？記得索羅斯曾經說過：「承認錯誤是件值得驕傲的事情。我能承認錯誤，也就會原諒別人犯錯。這是我與他人和諧共事的基礎。犯錯誤並沒有什麼好羞恥的，只有知錯不改才是恥辱。」

但願以上的各位朋友可以在錯誤中快快翻身過來。


當年今日：
iPhone4 狂熱

真搞嘢

網上圖片

「老細，睇你第一次出嚟搞頂喇，唔駛緊張架，瞓上張床先啦，一陣包你覺得好舒服架。」嗰位姐姐仔用親切嘅同胞口音，好溫柔咁同我講。

在細小嘅房間入面，我瞓低望住天花板昏暗嘅燈光，心想：「佢究竟會點對待我呢？真係有啲唔自在。」未幾，姐姐仔準備好然後再走過嚟張床度，又對我咁講：「老細，前奏嘅功夫由我幫你啦，陣間又會有位再好啲嘅過嚟幫你做埋另一啲嘢，好唔好？」我心諗：「乜原來起雙飛架，認真著數喎！」

於是，我合上眼睛，任由姐姐仔去搞我.....

昨晚就係咁樣，俾人輪流服待咗我成晚，仲一毫子都唔洗俾添。

**********************************

話說先排我個 friend 同我講，記住要去佢開嗰間 beauty salon 搵吓佢，話要幫我執吓塊面喎。我原本諗，佢最多咪同我係咁咦吱吓啲黑頭啫，點知，昨晚佢竟然分別揾人幫我又敷面、又做 Lazer 又做 Mask，之後又死都唔肯收錢，搞到我鬼死咁唔好意思！


當年今日：
近朱者赤

他們是伙甚麼人？

他們是伙甚麼人？

圖片來源：信報

他們只是強行弄破人家的門，然後入場叉著保安的頸項，弄傷幾個職員，走去推撞一班老伯，翻掉人家的桌子，將別人的文件弄得粉碎.....他們只是不准讓別人表達意見而已，他們不似是流氓！

他們很像黑社會？不，黑社會做事之前一般會事先做點警告，例如送你一盆賀年盆栽，又或者在你門口預先題幾隻字，通常都只是為了錢。但這伙人只在乎打倒異已，都不為錢衝著而來，發難前亦不會事先張揚，所以，他們不似是黑社會！

他們的行徑是恐怖襲擊？雖然性質上十分相似，但論到暴力程度，跟拉登還有好多學習的空間，因此，也難言他們是合格的恐怖份子。

究竟，他們是一伙甚麼的人？

先知

網上圖片

打從七月起，已漸漸察覺到市場正不時出現風高浪急的氣象。當時，好被吸引去欣賞那難得的變幻風雲。及後，隨著各技術指標的離場訊號鳴放得越發響亮，就開始見好些朋友們紛紛急忙地準備收拾清倉，當其時，那種陰霾鬱悶得將近叫人窒息的感覺，頗有點像風暴來臨前山雨欲來風滿樓之勢，教人不寒而慄！

在七月結束前的一兩天，太太好偶然地跟她的基金經理通了個電話，當時，對方竟然給了她一個緊急指示，就是務必要在八月前完全清倉套現離場。原先的觀察加上了那位基金經理的強烈警告，使我們更加相信，在八月初即將會有大事發生。果然真如所料，幾日後全世界即展開了連串的大跌市。

老實說，即使我估計有幾成機會可能有風暴來臨，我也未必有膽量去四處張揚，因為自己又不是先知，猜測出來的結果對別人好心做了壞事怎麼算？就算真有先知的能力，從來作先知的都沒有好下場，何必呢？！今次我太太遇到的這位基金經理，竟然排除萬難，一不怕死二不怕苦，那麼充滿信心地向世人宣告拯救的大好信息，看來，他的確是從天上來的真先知！

(本文並非任何投資誘勸或建議）


當年今日：
又是開學天
開學了