2009年9月8日

假如今日唔駛返工...

企喺公司嘅窗口旁邊望出去,嘩!個天好藍好藍,陽光好靚好靚!連隨走去較大個冷氣,即刻感覺有些微涼意,唔~~秋意漸濃!

假如今日唔駛返工,出面氣溫又可以俾我較到去23度,我諗,我會即刻去7-11買杯最大嘅思樂冰(藍梅味喎),然後攤喺冇乜人嘅赤柱海灘度,話之阿秀娜喺度拍緊咩廣告,我只係閉上眼睛,啜番啖好有咳葯水 feel 嘅超級凍 drink,耳朵細聽拍岸濤聲,個腦就思考吓做人嘅道理;嘻嘻嘻嘻,正!

跟住又可以四維走去度吓度吓,或者去King Ludwig 叫 lite 啤酒,在和暖陽光、清涼海風夾雜住花香鳥語下,食腸仔。

之後又可以走返去中環,搵間 Gym 踩單車;隔住塊落地玻璃,睇吓出面開緊工班友仔營營役役嘅眾生相,善哉!善哉!

我諗吓諗吓,好快又俾我諗到兩點喇,又要再開工喇!!

22 則留言:

  1. 話之阿秀娜喺度拍緊咩廣告,我只係閉上眼睛
    >>>>如果佢琴上黎呢 ?

    回覆刪除
  2. 篤篤篤撐:

    吓,咁狼?咁咁咁...點算?

    回覆刪除
  3. 返工啦,食懞你呀,哈哈哈。

    回覆刪除
  4. 新鮮人:

    中六合彩? 我都係唔好發咁多夢喇!

    回覆刪除
  5. 如果...我既如果好渺小...如果可以 office hour 時人人做到發脾四時我攤係房開住冷氣來個黃金下午就好喇!

    回覆刪除
  6. 还以为你是女的,
    名字很像女皇嘛。
    呵呵~(莫怪!)

    梦,
    人生没有梦就不完美,
    管它是白日梦,黑夜梦,
    尽在美梦中。

    回覆刪除
  7. kakaa, 我阿媽常說:想創你個心呀!

    其實,我都想....

    阿边个边个擒上黎呀!

    回覆刪除
  8. laulong:

    哈哈,you have a dream!

    回覆刪除
  9. 我最近差不多日日如此﹐開心死咯﹐不過好快又要返香港挨世界了。

    回覆刪除
  10. Bittermelon:

    係呀,又到兩點,又係夢醒時分喇!

    回覆刪除
  11. 你喺邊區番工?

    吞 pop 自我感覺好好! 搵老細笨!

    回覆刪除
  12. 梁巔巔:

    我都係 lunch time 先吞吓啫,hehe:)

    回覆刪除
  13. 周秀娜在你面前, 你真的可以不聞不問?

    眼睛吃冰淇淋, 應該比飲思樂冰更吸引呢!

    回覆刪除
  14. richma:

    周秀娜在面前?發夢真係無咁早啦,嘻嘻!

    回覆刪除
  15. >> 假如今日唔駛返工...

    我無時無刻在office都有這個念頭, 特別是最近忙到死...... 望住個藍天, 想一想如果我在北海道有多好!

    回覆刪除
  16. 肥貓:

    原來每個人心中都係有團火!

    回覆刪除