2009年9月14日

睇科騷 II

可能因為而家仲係農曆七月,所以成日都俾我見到啲污糟嘢!

今日打風,我準時即閃,趕去搭巴士返屋企。上到車,我坐喺樓上右排第二行,諗住呢個位夠晒自閉,可以唔多理其他乘客搞乜鬼!點知,前排坐位隨後又坐一對男女,貌似幸福胃的素廣告嘅主角。

開車時架巴士已經好多人,多到上層都有人企喺隔離。誰不知坐前排個女子在眾目睽睽下,兩隻手揸住隻男豬頭,將隻豬咀好慢、好慢咁印落自已個哨牙口度,閉上眼睛,個樣懶有高潮咁。我被迫近距離睇個豬咀點啜棚哨牙,真係好鬼嘔心!個哨牙婆仲拎吓拎吓個頭潻,我睇到真係想死!不特止,個豬咀又周不時伸條豬脷出嚟,間中乃下個哨牙婆隻耳仔,哨牙婆之後再頭拎拎.....「阿媽!救命呀!!」

對豬男女坐嘅上層右排第一行,其實係有塊鏡對住佢地嘅,我望吓塊鏡,見啲豬手where吓where吓.....賤!

坐喺我旁邊嘅一位阿伯,一上車就瞓,唔知佢係唔係被迫嘅呢?早知我都瞓吓啦!!

26 則留言:

  1. 咁...你呢期黑仔...成日撞到污糟嘢...我溫馨提示你隨身帶住對紅筷子以便不時之需!!

    回覆刪除
  2. the8:

    對紅筷子係唔係用嚟“星”佢地嘅呢?

    回覆刪除
  3. Hana:

    百無禁忌!百無禁忌^_^!

    回覆刪除
  4. 緊係唔係喇...係俾你必要時用嚟自毁雙目免得眼怨!

    回覆刪除
  5. 嘩! 你真係好黑啫! 紅筷子睇怕到唔得, 不如著番件紅under啦 !

    回覆刪除
  6. the8:

    就算自毁雙目,都會聽到啜啜聲個播,點算?

    回覆刪除
  7. 新鮮人:

    坦白講,我昨日都有諗過偷影俾大家欣賞,不過我坐得太近喇,落唔到手!

    回覆刪除
  8. 肥貓:

    著紅底? 可能俾張紅底叫佢早d收科仲有效喎!

    回覆刪除
  9. 色慾真人show,唔駛比錢有得睇喎,咪當睇4仔囉唯有...hehe

    回覆刪除
  10. Bittermelon:

    我想佢哋俾番錢我去買眼葯水洗眼同埋見心理輔導:(

    回覆刪除
  11. 真人show好核突 !!!
    你地o既留言好好笑!!!
    千企唔好比我撞到呢D咁
    o既"場面"有次返工搭巴士,
    隔離坐在一對男女朋友,一坐
    低就鬧交,尤其個女的,猛鬧
    個男的這樣那樣,男的就間中
    回下嘴,不過到落車佢地已經
    好番啦,好似睇左一場戲咁...

    又有一次,夜晚放工搭巴士,坐
    低無耐,隔離個女仔邊講電話邊
    喊,好像是一些家庭問題,到收
    線仲喊咁,仲愈喊愈淒凉,好想
    安慰一下佢,但又唔知點安慰,
    最後佢都收左聲冇喊啦。

    回覆刪除
  12. Ivy:

    歡迎光臨:)

    Yes,搭巴士,飽歷眾生,善哉!善哉!

    回覆刪除
  13. 紅筷子?愛黎夾住中指驅鬼呀!

    回覆刪除
  14. laulong:

    我時運高,睇唔到,睇唔到:(

    回覆刪除
  15. Ebenezer:
    往好處諗,這個場面雖然嘔心,但起碼都係安靜,合埋眼就沒野.總不至會聽到佢地互咀的聲瓜.

    回覆刪除
  16. No 喇!
    你自毀雙目祗需要一雙紅筷子嘅一端!為衛生起見不宜眼耳共用一端,所以呢個時候可以用另外一端自毀雙耳嘞!

    咁就乜解決咗喇!

    回覆刪除
  17. hkeric:

    係囉,瞓咗就一了百了,塵歸塵、土歸土,冇眼睇喇!

    回覆刪除
  18. 鏡田:

    唔係聽唔到架,昨日個場面!我坐正佢地後面,佢地又貼實個椅背,我同佢地相隔呎零兩呎炸,啲打茄輪啜啜聲,我收得好好架:(

    回覆刪除
  19. 聶秀康:

    我一時間唔記得帶鹽呀,慘慘!

    回覆刪除
  20. the8:

    咁咁咁...我咪仲慘過滿清十大酷刑?

    回覆刪除
  21. 其實,你換個位,冇眼睇咪得攞.

    你形容得咁仔細,覺得你有係心睇既.(講笑咋!)

    回覆刪除
  22. 吾話你知:

    換位?我都想架!不過我個咁多嘢睇嘅位,就唔知有冇人有興趣坐喇?

    回覆刪除